Monday, January 31, 2011
DEAR Noy Kulas,
Sip-unon pa ko niadto magsige na kog basa sa imong column kay akong parents pirme man mopalit og Sun.Star Superbalita. Ang imong column ang usa sa akong mga paborito, gawas sa inyong sports section.
Ang akong problema, pareho sa uban, parte og love. Third year high school na ko ron unya na in love sa akong Math teacher. Sa una pa gyud sa bag-o pa siyang nag-teach sa among school, ganahan na ko niya. Cute man gud siya, bisan sa iyang height. Taas pa man kog gamay gani niya.
Nindot sab kaayo siya og lawas. Bigot kaayo, maorag Barbie doll. Taas pa gyud og buhok, maorag kanang model sa shampoo. Naa pay lips puwa kaayo, maorag apple nga gibaligya daplin sa karsada.
Ang naka-impress nako, kay maayo kaayo siyang motudlo ug mo-pronounce. Ganahan kaayo ko sa iyang tingog. Kon magkasugat mi, maorag dunay kabayo magdagan dagan sa akong dughan. Usahay maorag sound sab sa train kay kulbaan lagi ko. Maora kog naa sa heaven kon mo-smile siya nako. Wa lay kalibutan si Mam iyang estudyante patay na patay kaayo niya.
Karon maglisod na kog concentrate, bisan sa iyang lectures kay mag-daydream na man ko niya. Migagmay gud akong grado bisan wa pa koy uyab. Nag ask akong parents nako pero ingon ko nga lisod ang lessons. Lisod kay din a lagi ko ka concentrate kay yatap kaayo ko niya. Unsa man ang akong buhaton, Noy Kulas? Tambagi ko kay maora na kog mabuang sa akong problema. Daghan kaayong salamat.
ERIC
Eric,
Salamat kaayo nimo ug sa imong pamilya sa inyong loyalty sa SuperB. Nahimuot kaayo ko sa imong suwat di tungod kay nagduda kong nagbinuang ka. Kon di nahinumdom sab ko sa akong amigo kaniadto nga pwerte sab niyang gugmaha sa maestro. Mao-mao ra gyud ang intensity sa inyong feeling. Maora sab siyag mabuang ug maratol makakita sa titser.
Apan na-realize niya nga molabay ra ang pagbati sa pagligid sab sa panahon. Anam-anam ra ning nahanaw ug na-overcome ra niya. Makadungog siyag kanta kaniadto, i-relate dayon niya sa iyang kaugalingon ug sa titser. Maguol siya kon way klase kay mingawon kon di siya makakita gud. Apan eventually nahanaw ra ni.
I am not giving you false hopes ha, but, dunay mga estudyante sa high school nga naminyo sa ilang maestra. Apan nitungha una sila og college ug nihuman. Unya di sab kaayo lagyo ang ilang mga edad ka yang mao nga mga estudyante medyo edaran na man sa pagsud sa high school.
Akong buot ipasabot nga di imposibleng magkauyab mo sa titser sa hustong panahon ug edad. Apan karon, di pa gyud na mahitabo. Estudyante ka ug tan-awon ka niyang manghod ra gyud niya kaayo. Molabay ra ang panahon, mawagtang ra nang mao nga pagbati nga mas nailing puppy love.
NOY KULASGipatik sa mantalaang SuperBalita Cebu Pebrero 01, 2011.
http://66.117.4.124/superbalita-cebu/kalingawan/tambagi-ko-noy-kulas-love-si-mamLinkback:
https://tubagbohol.mikeligalig.com/index.php?topic=37689.0