Ni Jeepy P. Compio
SuperBalita Davao
Thursday, February 14, 2013
TUNGOD kay gibuwagan sa iyang hinigugma, usa ka lalaki ang buot magpakamatay pahinungod niya sa pagsaulog sa Valentine's Day.
Buot magpakamatay pinaagi sa pag-inom og insecticide mao si Ricky Rico, 34, mag-uuma, residente sa Barangay Baguio Proper, Baguio District, siyudad sa Davao.
Ang laraw nga pagpakamatay sa biktima namatikdan sa iyang mga ginikanan alas 5:00 sa hapon niadtong Miyerkules.
"Pahinungod nako kini sa akong hinigugma ning panahon sa Valentine's Day".
Mao kini ang pulong sa biktima nga iyang gisulti sa iyang inahan una siya nakaplagan nga miinom og insecticide tungod kay gibuwagan sa hinigugma.
Matud sa inahan sa biktima nga subo kaayo ang iyang anak human gibulagan sa babaye nga iyang gikarelasyon sud sa pipila ka tuig.
Ang inahan nagsulti sa Sun.Star SuperBalita nga miinom ang biktima sa nga insecticide sud sa iyang lawak.
Wa migawas ang biktima sa lawak mao nga giguba nila ang pultahan.
Dihang nakasud na ang kabanay, ilang nakita ang biktma nga nagbula na ang baba.
Daling gidala ang biktima Southern Philippines Medical Center.
Sa pagkakaron, anaa sa talandugon nga kahimtang ang biktima sa maong tambalanan.
Linkback:
https://tubagbohol.mikeligalig.com/index.php?topic=68581.0