Author Topic: Kinsay amahan?  (Read 1407 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Kinsay amahan?
« on: October 20, 2012, 10:14:57 AM »
Dear Noy Kulas,

Tagoa lang ko sa ngan nga Erwin, taga Mandaue City. Nagpada ko nimo ining suwat kay galibog ko unsay akong buhaton karon ning dako nakong problema.

Naa koy ig-agaw nga close kaayo nako sukad sa gagmay pa ming bata. Suod kaayo mi kay nagkahibaw-anay gani mi sa among mga sekreto. Niabot ang problema dihang nakauyab siya og classmate nako nga ako ra say nag-ila-ila nila. Nanguyab niya ang akong ig-agaw ug iyang gisugot.

Kining bayhana ako ning suod kaayo. Niabot ang time nga nagkaproblema sila sa ilang relationship kay iyang nasakpan ang akong ig-agaw nga dunay laing uyab. Kay close lagi mi, ako siyang gialam-alaman kay nagpatabang ang akong cousin. Ambot unsay nasulod sa ulo sa akong classmate, nakiglaag nako usa ka gabii nga kami rang duha nga wa kahibawo ang akong cousin.

Gainom mi sa usa ka bar. Dihang nakainom na mi og gamay, nikompisal nako ang girl nga naa siyay feeling nako. Kay nakainom lagi ko, nanulod mi og private room ug didto duna gyuy nahitabo namong duha. Di ra to dala sa hinubog kay nausban pa to og few times.

Karon ang problema nako kay nimabdos siya. Pero bisan siya galibog kay wa siya kahibawo kinsay amahan sa iyang gimabdos ron. Nakonsensya ko sa akong ig-agaw. Kinsa kahay amahan aning bataa? Unsaon man pag-ila, Noy Kulas, kinsay amahan sa bata? Ingon sa girl nga iyang paangkunon ang akong ig-agaw aron way gubot. Amo lang isekreto ang nahitabo namo.

Unsa may imong ikatambag ani, Noy? Na-guilty gyud ko sa among gibuhat.

ERWIN

Linkback: https://tubagbohol.mikeligalig.com/index.php?topic=55958.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: Kinsay amahan?
« Reply #1 on: October 20, 2012, 10:17:32 AM »
Win,

Tumana na lang ang gusto sa babaye kay sa imong ikompisal sa imong ig-agaw ang inyong gibuhat, magubot ug mahimong komplikado ang sitwasyon. Naay mga sekreto sa kinabuhi nga mas maayong magpabilin nga sekreto kay kon ibutyag, mas modako ang problema ug daghan na ang mangaangin. Kay kon imo nang ibutyag, nagtuo kang duyanon ka sa imong ig-agaw? Di kaha magubot ang inyong pamilya?

Putla ang inyong relasyon sa babaye. Mao nay labing maayo ninyong buhaton ug pagpalayo na nilang duha. Mas maayo gani nga human sa inyong panagbuwag, mo-explore ka og laing relasyon kay makatabang kini nimo kaayo nga makalimot nianang bayhana ug di sab sila mahibung nganong naglahi ka na. Kay lain nang change nga way rason nga makita, madudahan na hinuon ka.

Kinsa man ang amahan nianang bataa, palabya una ang panahon. Kon maliwat nimo, ikaw ang amahan. Apan kon maliwat sa imong cousin, siya ang papa. Ang labing maayo gyud nga determinant niana mao ang DNA testing apan mahal ang proseso. Unya mogasto ka aron lang mahibaw-an ikaw ang amahan? Basin mabuko na hinuon mo sa inyong tinago-tago nga relasyon.

Pangayo og pasaylo sa Ginuo sa imong gibuhat. Pag-usab na. Unya panamini ang sitwasyon sa imong cousin. Nga ang pagpanglimbong di diay maayo og linugdangan. Kagubot maoy sangkoan kay moabot man ang panahon nga kini mabutyag ra gyud kon di putlon samtang sayo pa.

Hinuktoki kini og maayo. Kon nagbasol ka na, ayaw na hasula pa ang imong konsensya. Ang importante nakapangayo ka og pasaylo sa Ginuo.

NOY KULAS

Gipatik sa mantalaang SuperBalita Cebu Oktubre 20, 2012.

Linkback: https://tubagbohol.mikeligalig.com/index.php?topic=55958.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: Kinsay amahan?
« Reply #2 on: October 22, 2012, 06:34:18 PM »
Kining bayhana ako ning suod kaayo. Niabot ang time nga nagkaproblema sila sa ilang relationship kay iyang nasakpan ang akong ig-agaw nga dunay laing uyab. Kay close lagi mi, ako siyang gialam-alaman kay nagpatabang ang akong cousin. Ambot unsay nasulod sa ulo sa akong classmate, nakiglaag nako usa ka gabii nga kami rang duha nga wa kahibawo ang akong cousin.

Gainom mi sa usa ka bar. Dihang nakainom na mi og gamay, nikompisal nako ang girl nga naa siyay feeling nako. Kay nakainom lagi ko, nanulod mi og private room ug didto duna gyuy nahitabo namong duha. Di ra to dala sa hinubog kay nausban pa to og few times.

Bwahaha! Di na to hinubog, oi, palami na to... ;D

Linkback: https://tubagbohol.mikeligalig.com/index.php?topic=55958.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: