Ni Guam P. Logroño
Thursday, December 1, 2011
“TOO much love will kill you,†matod sa ulohan sa awit sa grupong British rock group, Queen.
Tinuod, namatud-an na nga daghan na ang nangamatay tungod sa naghingapin nga gugma.
Mao kini ang nahitabo sa usa ka mangoprasay nga nagpakamatay pinaagi sa pagpusil sa ulo kay gibuwagan sa iyang uyab nga magminyog sa laing lalake.
Si Nerio Remocado Sabido, 22, ulitawo, nagkutlo sa iyang kinabuhi sulod sa pugon niadtong Miyerkulis sa alas 12:30 sa udto sa Sitio Ga-ang, Barangay Lamesa, lungsod sa Balamban.
Si Sabido samdan sa iyang tuong tampihak sa bala sa .38 caliber revolver nga nagpabilin sa iyang ulo kay wa makalapos.
Si SPO3 Arvie Banate, imbestigador sa Balamban Police nga nahinabi sa Sun.Star Superbalita, niingon nga si Sabido nagmagul-unan human nahibaw-an niini nga magminyo na ang iyang uyab.
Nagkabuwag ang duha hinungdan nga si Sabido kanunay nang makit-an nga magul-unon sumala pa sa kaparyentihan sa maong dapit.
Misamot ang kaguol ni Sabido human nahibaw-an nga niadto lang miaging semana gipamay-an na ang iyang kanhi uyab sa laing lalake nga taga laing sitio.
Tungod sa iyang kaguol, nag-inusara kining niinom og bino ingon man usa ka galon nga tuba didto sa ilang pugon samtang nag-atiman sa pagpauga sa ilang mga kopras.
Dihang nabungog na sa iyang giinom, nagpusil kini sa kaugalingon tumong sa tuong tampihak ginamit ang .38 kalibre nga revolver.
Ang silingan nga nagtugway sa iyang baka mao na nay nakakita sa biktima diha sa ilang pugon hinungdan nga gipahibalo ang mga kabanay niini.
“Too much love will kill you gyud,†sumala pa ni SPO3 Banate kay dunay suicide note sa papel sa gamay’ng notebook, diin siya nangayog pasaylo sa iyang ginikan ug igsuon sa iyang nahimong sala.
Nangayo sab siyag pasaylo sa iyang uyab nga nga makakita ra kinig mas labaw pa kaniya, ingon man siya ray babayeng iyang gimahal.
Wa makadawat si Sabido nga gibuwagan sa iyang kanhi uyab nga silingan tungod sa grabing pagmahal kay masukadsukad sa iyang kinabuhi kini ra ang babaye nga iyang nauyab.
Ang kapulisan naka-recover sa crime scene sa usa ka paltik nga .38 nga revolver, uban sa usa ka kabhang sa bala ug laing upat ka bala nga dunay buslot sa lubot nga wa makabuto.
Wa hinuoy foul play ang kamatayon niini ug kumbinsido ang pamilya nga naghikog gyud. --
Gipatik sa mantalaang SuperBalita Cebu Desiembre 02, 2011. Linkback:
https://tubagbohol.mikeligalig.com/index.php?topic=44517.0
Topic: Another one bites the dust: Naghikog kay uyab magminyo og lain (Read 3455 times)