Tidoy,
Ayaw na og hasola ang imong hunahuna bahin sa iyang kagahapon. Di nimo gunit ang nahitabo kaniya kay sama nimo duna ka usay kagahapon.
Wa kay katungod nga magselos kay nahitabo na man kadto.
Kon nasakitan ka man, mas labaw siyang nasakitan kay biktima man siya sa pagsalig ug gugma sa lalaki. Kon nasayud pa siyang ingon niadto ang mahitabo, segurado kong wa niya itahan ang iyang pagkababaye sa maong lalaki.
Busa inay nga imo siyang balik-balikan sa pagpahinumdom niini, mas maayong kalimtan mo na kini ug itutok ang imong hunahuna sa kasamtangan ninyong relasyon ug planuha ang umaabot tali ninyong duha.
Ang tinuod nga gugma di mahibawong mopili. Busa kon tinuod kang nahigugma niya, dawata siya kon unsa siya karon, di kon unsa siya kagahapon.
Irespeto ang iyang nahimong desisyon kagahapon kay wa ka may labot niini. Ang importante kon unsa mo karon ug sa umaabot nga panahon.
Ayaw hugnoa ang iyang gihatag nga pagsalig nimo kay gimahal ka niya, labaw pa sa iyang kagahapon. Di siya makigrelasyon kanimo sud sa lima ka tuig kon wa siyay gugma nimo. Kini ang mo-matter ug di ang nahitabo kaniya.
Noy Tikyo
Linkback: https://tubagbohol.mikeligalig.com/index.php?topic=80146.0
