PATAY ang 54 anyos nga yaya uban sa 4 anyos nga bata human naligsan niadtong Martes mga alas 12:30 sa udto sa Poblacion, lungsod sa Alubijid, Misamis Oriental.
Giila ang namatay nga yaya nga mao si Lilian Jayson, minyo, taga Casinglot, lungsod sa Tagoloan, Misamis Oriental, samtang ang bata giila nga mao si Dennis Jean Ramos, usa ka kindergarten student.
Si Police Senior Inspector Virgilio Cabugsa sa Alubijid Police Station nga nahinabi sa Sun.Star SuperBalita niingon nga gisundo sa yaya ang bata human sa klase ug anaa sa pikas dalan ang mga biktima niadtong tungora.
Dihang mi-overtake ang usa ka Rural Transit Mindanao Inc. bus nga gimaneho ni Arthur Jamis, 48, minyo, taga lungsod sa Initao, Misamis Oriental, nasapon ang mga biktima ug nabanggaan.
Nagrabehan si Jayson human nalatayan ang lawas niini sa ligid sa bus.
Deretsong gidala sa Northern Mindanao Medical Center ning siyudad sa Cagayan de Oro ang mga biktima apan ang yaya gideklarar sa mga doctor nga dead on arrival, samtang ang bata naabtan pa og pipila ka oras usa nakabsan sa kinabuhi.
Matud ni Cabugsa nga deretso sab nga mitahan sa ilang buhatan ang driver sa bus ug andam sa pagdawat sa kasong ipasaka batok kaniya. - Sun Star News
Linkback:
https://tubagbohol.mikeligalig.com/index.php?topic=33035.0
