Nasayran sa kapulisan nga ang biktima, suspek ug uban sa mga higala sa dapit nag-inom sa panimalay sa suspek human nakadaog sa tari ang naulahi niadtong Biyernes.
Si Camanse maoy nangdapit nga adto sa panimalay niini magliÂngaw-lingaw sa pagtagay ug magkanta-kanta sa bidyoke.
Apan sa pagka alas 9:00 sa gabii niadtong Biyernes, ang grupo nangahubog na ug nagsiyaok na sa ilang pagkanta bisan yabag.
Walay igong rason, kalit lang nikuha og mahait nga hinagiban ang suspek ug giduslak makadaghang higayon ang lawas sa biktima hangtod namatay.
“Nakugang daw iyang mga barkada nganong kalit nga nanunggab ang suspetsado nga wala man sila mag-away pero posibling gisabaan sa pagpunay og kanta sa biktima, wala siguro sa tuno maong nasuko,†dugang ni PO3 Labine.
Sa imbestigasyon, ang suspek nipadayag nga wala siyay kalibutan nga nahimo niya ang krimen ug nidason nga bunga lang sa iyang kahubog ang panghitabo.
Wala na marekuber sa kapulisan ang gigamit sa suspek sa pagpatay sa biktima.
Gipadayag niini nga dako ang iyang pagmahay nga napatay niya ang higala tungod sa kahubog.
Samtang wala pa ma-establisar nila kon unsa gyod ang ulohan sa gikatanta sa biktima nga nakapasako pagmaayo sa suspek.
Karong adlawa, ilang ipasaka ang tukmang kaso batok niini.
Linkback:
https://tubagbohol.mikeligalig.com/index.php?topic=77165.0