Ni Guam P. Logroño
Tuesday, July 5, 2011
GIKOMPIRMAR sa pink room sa Vicente Sotto Memorial Medical Center (VSMMC) nga gilugos gyud sa tulisan ang 75-anyos nga biyuda human siya tulisa sa miaging kadlawon sa Sitio Upper Katugasan, Barangay Can-asujan, dakbayan sa Carcar.
Apan, di kinatawo ang gipasulod sa tulisan, kon di iyang mga tudlo, matod sa naghiling nga doctor.
Kini maoy gipahibawo ni SP01 Reynaldo Fuentes, imbestigador sa Carcar Police nga nahinabi sa Sun.Star Superbalita, human niya gikaestorya ang biktima sa balay niini kagahapon human siya nakagawas sa tambalanan.
Matod niya nga nagmulo lang gihapon ang biktima sa sakit sa iyang gusok nga gisuntok makadaghan sa wa mailhing tulisan.
Ila na lang gipaabot ang resulta sa x-ray aron masuta kon unsay angol sa biktima.
Apan ang resulta sa pag-eksamin sa mga doctor sa kinatawo sa biktima nagpakitang gihilabtan gyud siya, apan di pinaagi sa sex contact, kon di pagpasok sa mga tudlo sa tulisan ngadto sa iyang kinatawo.
Sumala niya nga ang biktima nitug-an nga nakamata siya dihang nitupad kaniya paghigda ang tulisan nga nilingkod pag-una nga iyang giingnan nga “Hoy nag-unsa ka diha.â€
Apan ang tulisan kalit lang nisuntok sa iyang kalawasan sa makadaghang mga higayon hinungdan nga wa gyud siyay nahimo sa pagsukol.
Human siya sumbaga, wa pa matagbaw, nipasok pa sa iyang mga tudlo ngadto sa iyang kinatawo.
Gipatik sa mantalaang SuperBalita Cebu Hulyo 06, 2011.Linkback:
https://tubagbohol.mikeligalig.com/index.php?topic=42117.0
