by PIA
An “Isumbong Mo Kay TSIP†text program han Philippine National Police ha Sinirangan Bisayas in nakadakop hin usa nga hi Benjie Cabilen Olmo, 37, residente han Brgy. Cambahanon, Alangalang, Leyte han maaktohan nga nangungulekta hin mga taya para han illegal nga huygo nga swertres.
Ini in nahibaruan tikang kan Police Senior Superintendent Elizar P. Egloso, chief han regional police community relations division dida hin usa nga press release.
Hi Olmo in na-aresto dida han Enero 15 pinaagi hin usa nga text messsage tikang hin usa nga mulopyo kun diin ginpasabot an mga awtoridad han pulis parti han pagsarang han nasabi nga illegal nga huwego didto ha Brgy. Catoogan, Sta. Fe, Leyte.
Hi Police Chief Superintendent Arnold R. Revilla, PNP-8 regional director, in nananawagan han padayon nga kooperasyon han publiko pakigkoordinar ngan pakigsumpayan han PNP pinaagi han text o tawag ngadto ha cellphone number 0917-847-5757 para hin dayon nga pagresponde han kapulisan lab-i na gud ha oras hin emergency nga mga situwasyon sugad hin pagpahibaro hin natatabo nga krimen, wanted nga tawo, pagpasabot hin nagpipinasaway nga mga pulis, nga iba pa nga mga reklamo o mga palihog.
Gin-aaghat gihapon ni PSSupt Egloso an mga mulopyo ha kumunidad nga magkig-urosa han nahitutungdan nga kapulisan pinaagi hin paghahatag in impormasyon nga magtutudlok ngadto hin pag-aresto han mga nasupak han balaud.
Linkback:
https://tubagbohol.mikeligalig.com/index.php?topic=50813.0
