MikeLigalig.com

Inay pakpak ug katawa sa kalipay ang mahitabo sa bag-ong kinasal, nabali kay naghinilakay ang mga kabanay ingon man bisita kay wa sila makatuo nga dakpon ang groom human pagkuha og mga hulagway ug selfie.

Si Insp. Alejandro Batobalonos, hepe sa Argao Police nga nahinabi sa dySS Super Radyo, nagkanayon nga wa na mosaler ang kaidlas ni Tanaid kay sa simbahan na nila gipatuman ang warrant.

Niadtong Biyernes nakadawat siyag impormasyon gikan sa ilang asset nga ang dugay na nilang gipangita nga si Tanaid magpakasal sa Ronda sa Sabado sa buntag.

Tungod niini, iyang giandam ang warrant of arrest ingon man ang iyang mga sakop ug namiyahe sila alas 5 sa buntag paingon sa Ronda.

Usa niya ka contact gipauna sa Ronda ug gipasusi sa kombinto kon kinsay naka-schedule nga magpa­kasal sa sayo sa buntag ug nakompimar nga si Tanaid.

Sa pag-abot nila sa maong lugar mga alas 6:30 sa buntag, katunga na ang siremonyas sa kasal hinungdan nga gihulat na lang nila nga mahuman ang seremonyas.

Linkback: https://tubagbohol.mikeligalig.com/index.php?topic=78264.0

Ang duha ka mga opisyal ninghangyo nga patiwason si Tanaid sa celebration hangtud na sa reception sa kasal sa Ronda, sa balay sa babaye.

“Ilaha ming gi-imbetar nga mouban na lang sa reception kay luoy daw. Ipahuman lang pagselibrar ni Tanaid uban sa asawa ug sa mga anak pero wala mi mosugot,” dugang ni Batobalonos.

Ilang gipasabot nga di mamahimo nga moadto pa sila sa reception ug gikinahanglan ipatuman nila ang pagsikop niini pinasikad sa warrant gikan sa korte.

Gibutyag ni Insp. Batobalonos, si Tanid, pwerting pagka-idlasa makadaghan na nilang gisuwayan sa pagsikop maka-upat kahigayon apan paspas nga makalayat sa bintana, o sa pangpang mikaratel sa pagdagan.
         
Gitug-an niini nga dili siya gustong magpadakop kay wala siyay ika-piyansa sa iyahang upat ka count nga frustrated murder nga mokabat sa P480 mil pesos, sanglit tag P120 mil pesos ang piyansa matag count.
           
Si Batobalonos, miingon nga kini maoy una niyang higayon sulod sa 17 katuig nga pagserbisyo sa kapulisan nga midakop sa usa ka wanted human sa kasal niini.
           
Samtang ang mga tawo sa lugar nahibulong sab inay maglipay ang kabanay sa bag-ong gikasal, naghinilakay sa kaguol.

Linkback: https://tubagbohol.mikeligalig.com/index.php?topic=78264.0

Nakapirma na ba kaha sa marriage contract sa wala pa gipusasan sa kapolisan?

Linkback: https://tubagbohol.mikeligalig.com/index.php?topic=78264.0