Ni Guam P. Logroño, SunStar
KRITIKAL ang sitwasyon sa usa ka guwardiya kinsa sa ikatulong higayon misuway paghikog tungod kay wa makadawat nga gibuwagan sa iyang maanyag nga hinigugma.
Nagpusil sa iyang kaÂugalingon si Jose (tinuod ngalan gipugngan), 30, ulitawo, niadtong sa alas 11:00 sa buntag sa Sitio Camanaol, Barangay Ubogon, lungsod sa Asturias.
Si Jose gwardiya sa usa ka dakong tindahan sa lungsod sa Balamban, nagpuyo sa nahisgutang dapit ang padayong nakiglimbasog alang sa iyang kinabuhi sa Vicente Sotto Memorial Medical Center (VSMMC).
Si PO2 Manuel Gilamon, desk officer sa Asturias Police, nga naÂhinabi sa Sun.Star SuÂperbaliÂta nagkanayon nga si Jose, may samad sa iyang tuong dughan ginamit ang paltik nga .38 revolver.
Nag-inom siyang daan uban sa iyang mga higala ug kabanay sayo niadtong Lunes ug mibutyag sa iyang mga problima sa gugma human gibuwagan sa uyab.
Samtang nalingaw silag inom sa tuba, pagka-alas 11:00 kalit lang nibarog mibunot sa .38 revolver ug mipusil sa iyang dughan.
Dali kining gidala sa iyang mga kauban nga nag-inom sa tambalanan sa Balamaban, apan tungod kay kritikal gibalhin sa VSMMC.
Nahibaw-an nila sa text message nga gibuwagan si Jose sa uyab ug puwerting gu-ula niÂini nga daw sa dili makadawat nahitabo.
Giingong ikatulo na kini niyang gibuhat, ilabi na sa higayon buwagan siya sa iyang uyab.
Linkback:
https://tubagbohol.mikeligalig.com/index.php?topic=73328.0
