MikeLigalig.com

Sekyu nahospital human napusilan
By RMN Gensan

Tugpa sa balay tambalanan ang  usa ka sekyu  nga naila sa pangalang Eliakem Muda, 35 anyos, residente sa JAS Davao Occidental human kining napusilan sa wala mailhing suspek gawas sa usa ka bar nga nahimutang sa barangay Labangal Dakbayan sa Gensan alas 9:20 sa kagabhion.

Sa report nga nakuha sa RMN Gensan NewsTeam gikan sa kapulisan nasayran nga basi sa imbestigasyon sa otoridad pasado alas 8 sa gabie misulod ang biktima sa usa ka bar  uban ang duha ka kaubanan niini nga silang Jay Tatsukami ug German Dawa  susamang nanimuyo sa nasangpit nga lugar aron moinom ug ilimnong makahubog.

Nakamugna matud pa ug kasamok  sulod sa bar ang grupo sa biktima human  mibalibad sa pagbayad sa ilang nainom nga  bino dihang gisingil sa cashier ug maayo nalang nga mi-abot ang usa ka kaila niini nga si Arnel Ason nga nagpasulbad sa maong problema ug mibayad ang grupo ni Muda.

Duna matud pay duha ka lalaki nga mibutho sa lugar nga nakamotorsiklo nga miduol sa mga nasangpit pagawas sa bar ug diretso tion sa armas gumikan sa kahadlok nanagan ang grupo ni Muda hinungdan sila gipamusil nga maayong pagkaigo sa biktima sa walang bahin sa iyang tiil.

Samtang mga suspek ang gilayong misibat sa lugar padulong sa Barangay Apopong human gihimo ang krimen ug narekober sa kapulisan sa crime scene ang tulo ka basiyu sa 9mm caliber pistol.

Sa karun padayon ang  gihimong imbestigasyon sa kapulisan ug ang hot pursuit operation sa posibleng mailhan ug madakpan ang mga suspetsado.(RV)


*Work from HOME and launch your own Wordpress blog, business or personal website, or online store at www.dreamhost.com Yes, FREE Wordpress migration from your existing web host.

START your OWN blog site, business or personal website, or e-commerce store at www.fastcomet.com - FREE service to transfer your website from your current webhosting provider.

Latest RSS Feeds



Linkback: https://tubagbohol.mikeligalig.com/index.php?topic=115946.0