Ni Joy F. Tumulak
Saturday, November 24, 2012
GISAPOT human wa makagamit sa “inabangan†nga babaye, ang nanunggab og bugaw kagahapon sa kaadlawon sa dalan V. Gullas, dakbayanb sa Sugbo.
Nadakpan sa kapulisan mao si Cesario Rosell, 56, taga siyudad sa Mandaue.
Ang biktima mao si Roberto Serbano, 34, bugaw ug taga San Roque, Barangay Mambaling.
Sa pasiunang imbestigasyon nila ni SPO4 Rey Cuyos, PO2 Nilo Aventurado ug PO1 Michael Angelo Singson sa Homicide Section nagbutyag nga nag-abot ang suspek ug ang babaye nailhan sa pangalang “Lyka†sa dalan V. Gullas hangtod nga nagkasinabot nga mosulod sa usa ka lodging house.
Sa dihang didto na sila sa sulod sa lawak, naghubo ang babaye apan nangayo kini daan og bayad apan usa ka gatos ra gihatag ni Rosell.
Ang babaye nga si “Lyka†wa motiwas sa iyang paghubo kay wa motuman sa sabot nga P250.
Nigawas ang babaye ug nisunod ang suspek nga nagyawyaw apan didto sa gawas ang bugaw ug niinterbiner sa away sa duha hinungdan nga nadunggaban sa suspek.
Linkback:
https://tubagbohol.mikeligalig.com/index.php?topic=59712.0