SuperBalita Cebu
Ni Flor V. Querubin
Thursday, August 15, 2013
NEGUSYANTE nga giingong wa magpautang gipusil patay sa usa sa duha ka mga tawo nga nakig-inom kaniya sa miaging gabii sa barangay Mactan, dakbayan sa Lapu-Lapu.
Apan laing taho nitumaw nga gipaningil ang biktima sa iyang dakong utang apan nangatarungan nga iya nang nabayran.
Gituohan sa kapulisan nga drug-related ang hitabo.
Nasayran nga gikainom pa sa biktima nga si Demetrio Maribao, 50, minyo, taga Kalinga Center, Sityo Soong 1, barangay Mactan ang duha ka mga suspek.
Gibutyag ni PCInsp. Conrado Manatad hepe sa Police Station 2 sa Lapu Lapu City Police Office nga niila sa gunman nga si Bobby Godinez kinsa adunay kasong attempted murder with direct assault ug robbery.
Giingong kanhi drug lord si Maribao samtang ang iyang asawa nga si Mercy nitug-an nga naka-utang ang iyang bana og kapin sa P300,000 nga kantidad sa usa ka butang sa miaging tuig.
Asoy pa ni Mercy nga nabayran na ang maong utang pinaagi sa pag-collateral sa titulo sa ilang yuta.
Linkback:
https://tubagbohol.mikeligalig.com/index.php?topic=74612.0
