Ni Joseph Elvir C. Tubilan
Friday, September 2, 2011
NIANGKON ang 13 anyos nga tinun-an sa usa ka publikong tunghaan sa sekondarya sa dakbayan sa Sugbo nga uyab sila sa iyang magtutudlo nga iyang gipasanginlan nga nilugos kaniya.
Gisaysay niya sa iyang affidavit nga ang nahitabo sayo ning semanaha atol sa ilang leadership training maoy ikaduhang higayon nga nahilabtan siya sa magtutudlo.
Bisan niini, wa gihapoy lusot ang magtutudlo kay menor de edad pa man ang tinun-an nga iyang gihilabtan busa gipasakahan siya sa kapulisan sa kasong pagpanglugos batok niini sa Cebu City Prosecutor’s Office.
Ang tinun-an nisaysay nga dihang natapos ang usa sa mga module sa ilang leadership training diin diha ra sila nag-estar sa ilang tunghaan, pamati niyang hugaw siya busa buot siyang maligo apan way tubig.
Nigawas siya sa pansayan apan nakit-an niya ang usa sa ilang computer room nga nagsiga niadtong higayona busa nisud siya unya nakita niya ang suspek.
Nitumbok siya nga dihang nakit-an siya sa suspek, kalit niining gi-lock ang pultahan sa kwarto unya gihalog ug gihagkan siya niini ug gipakapinan og ingon nga “I love youâ€. --
Gipatik sa mantalaang SuperBalita Cebu Septembre 03, 2011. Linkback:
https://tubagbohol.mikeligalig.com/index.php?topic=43295.0
