Ni KRIS C. SIALANA
GIPANGTUNOL sa usa ka lola ang mahalon niini nga mga gamit lakip na ang salaping cash sa naka-estoryang wala maila nga babaye sulod sa pampasaheroan nga jeep.
Matud sa biktima nga si Virginia (bansagon gipugngan), 68, minyo nga taga Gitagum, Misamis Oriental nga daw gihurim-huriman kini sa suspetsadong babaye gumikan kay wala kini nasayod sa sunod nga panghitabo.
Subay pa sa report sa kapolisan giingong samtang sakay kini sa Iponan liner nga dyip adunay wala mailhing babaye ang nakighinabi niini.
Dako na lamang ang katingala niini gumikan kay wala madugay gisunod niini ang mga mando sa maong suspetsado sama na lamang sa pagtunol sa iyang salaping cash nga nagkantidad og P2mil, mahalong cellphone, lakip na ang mahalong relo.
Nakurat na lamang ang biktima gumikan kay sa pag-abot na niini sa may Bulua intersection anha pa kini nakamatikod sa maong panghitabo nga nabiktima na kini sa pagpangilad sa dihang wala na ang mga butang niini.
Nagtuo ang biktima nga adunay gigamit nga dautang mga pamaagi ang maong suspetsado hinungdan kay wala kini nakahinumdom sa dihang anaa pa atol sa maong hitabo.
Hinungdan nga igo na lamang sa pagpatala sa buhatan sa kapolisan ang biktima aron sa pagpamasin nga mahibalik pa kaniya ang maong mga nawalang mga butang.
Gipatik sa mantalaang SuperBalita Cagayan de Oro Nobiembre 08, 2015.
Linkback: https://tubagbohol.mikeligalig.com/index.php?topic=81342.0
