`Mibuso’ sa silingan, nag-masturbate nasakpan, napriso
Ni Guam P. Logroño
KONDUKTOR sa mini bus nabalhog sa prisuhan human nasakpang namuso sa iyang 22 anyos nga silingang naligo ug nag-masturbate niadtong Lunes sa alas 9:40 sa gabii sa Barangay Sangat, lungsod sa San Fernando.
Si Jennifer Diolan, 35, ulitawo, konduktor sa mini bus nga nagbiyahian sa dakbayan sa Carcar ug dakbayan sa Sugbo, nagpabugnaw na sa prisuhan human masakping nibuso sa dalagang tinun-an sa college sa dakbayan sa Sugbo.
Si PO3 Leoncio Salubre, imbestigador sa San Fernando Police nga nahinabi sa Sun.Sun.Star Superbalita nagkanaÂyon nga si Diolan gidakop ni Edgar Enad, kanhi barangay kapitan sa lugar, kinsa uyoan sa biktima.
Sumala pa niya nga dunay concerned citizen nga nitawag sa ilang buÂhatan nga dunay dinakpan nga nasakpang namuso sa ilang silingan.
Ilang gisusi ug sa ilang pag-abot gi-turnover kaniÂla ang dinakpan.
Sa ilang imbestigasÂyon nga gihimo, ang suspek nitug-an nga nikatkat siya sa luyong kural sa balay sa iyang silingan aron sa pagpamuso kay niadtong higayuna nangÂhugas ang dalaga sa ilang banyo.
Apan nasurpresa siya kay gikalitan sa pagpasiga ang suga sa likod sa balay hinungdan nga nakit-an siya niadtong higayuna.
Ang biktima misingit kinig panabang kay dunay nakit-ang tawo sa likod sa ilang balay hinungdan nga naalarma ang iyang mga silingan ingon man mga kabanay.
Ang uyo-an timing nga nisusi sa kasaba ug iyang naaktuhan ang suspek nga ni-ambak sa kural hinungdan nga nadakpan.
Ang suspek dihang gidala sa police station niÂangkon nga nahimo niya ang pagpanglili ug pag-masturbate kay di na niya maagwanta ang iyang gibati ngadto sa biktima.
Kasong trespass to dwelling ang ilang giandam nga kasong ipasaka batok niini karong adlawa kon mopadayon gyud ang biktima.
Apan kon di modusog kaso, ilang buhian sangÂlit masulod na kini sa reglamentary period.
Si PO1 Janel Figura, desk officer sa San Fernando Police nga nahinabi sa Sun.Star Superbalita miingon nga si Diolan nibutyag nga “nakapabuto†siya sa iyang gibati niadtong higayuna.
Gipatik sa mantalaang SuperBalita Cebu Septembre 26, 2012.
Linkback: https://tubagbohol.mikeligalig.com/index.php?topic=55197.0
