“Plastar kaayo ang akong porma gikan sa taas sa punoan sa mangga dili ko makit-an maskin naay molabay kay baga man kaayo ang mga dahon,†mapahiyumong pulong sa biktima luyo sa kasakit sa piang nga naangkon.
Sumala pa nga samtang gihimo ang naandang buhat, inubanan sa pagpanglili sa dalagang naibgan nga naligo, wala damha sa biktima nga may mga hulmigas nga mikamang sa iyang bugan.
“Wala ko nagdahom nga may mga hulmigas nga nangamang na diay kay nalingaw man ko sa akong gilantaw sabay hapyod sa akoa. Ug nabatyagan ko na lang ang mga hulmigas tungod sa kasakit sa ilang pinaakan.â€
Matud pa nga tungod sa kasakit nga iyang gibati, nawad-an sa balanse ang biktima ug nahulog gikan sa taas sa mangga.
“Ug pagkadimalas pa gyud kay sa akong pagkahulog gikan sa taas sa punoan sa mangga, didto ko nadiretso sa nagtapok nga hugaw sa kabaw,†dugang sa biktima.
Nasayran gikan sa pamahayag sa mga molupyo sa maong dapit nga ang maong dakong punoan sa mangga diin nahulog ang biktima, gipuy-an sa mga dili ingon nato ug posible nga ang salawayong gibuhat sa biktima wala magustuhi nila hinungdan nga gihulog siya padung ngadto sa hugaw sa kabaw. (Sunstar Superbalita – Dexter T. Visitacion) Updated July 6, 2014
Linkback:
https://tubagbohol.mikeligalig.com/index.php?topic=78751.0
Topic: Ulitawo nga nagduwa sa kinatawo ibabaw sa mangga, nahagbong, napiang ug nabalian (Read 721 times)