Ni Guam P. Logroño
Sunday, February 22, 2015
DRAYBER sa traysikad gipusil-patay tungod lang sa pusta nga P50 nga iyang gigisi atol sa ilang kasado sa suspek niadtong Sabado sa alas 9:20 sa gabii sa Barangay Baring, lungsod sa Carmen.
Si Juan Moral, 21, ulitawo ug drayber sa traysikad, nagpuyo sa nahisgutang lugar, dead-on-arrival (DOA) dihang nadangat sa tambalanan sa dakÂbayan sa Danao human nakaangÂkog samad pinusilan sa bukobuko.
Wa pa madakpi sa kapulisan si Randy Caputol, 18, ulitawo, way trabaho ug taga Barangay Cogon East, Carmen, kinsa milayas human sa pagpusil sa biktima.
Si SPO2 Simplicio Gibo, desk officer sa Carmen Police Station, nagkanayon nga ang biktima ug ang suspek gikatahong nagpustaanay sa duwa nga “tagnatagna†sa serial number sa kwarta.
Apan luyo sa ilang pagkalingaw sa pustaanay sa tagnatagna, nagkalalis sila si Moral ug Caputol human gigisi niini ang kwarta nga ilang pusta.
Tungod sa ilang panaglalis nahitabo ang ilang sinukliay sa kumo nga nakapaukay sa mga residente sa lugar ug ilang mga higala.
Hinuon ang ilang sinumbagay naputol kay giuwang sila sa ilang mga higala hinungdan nga nipauli ang suspek.
Kompiyansa ang biktima naglingkodlingkod lang gihapon didto sa luÂÂgar, apan ang suspek nibalik nga nagÂdala'g armas ug gipauwanan si Moral sa mga bala hinungdan nga naigo sa bukobuko.
Linkback:
https://tubagbohol.mikeligalig.com/index.php?topic=79554.0
