"UNFAIR" ug daw dili makatarunganon ang pagtangtang sa Radio Ultra Management sa duha ka mga anchorman sa maong radio station human ang nakaon lamang nga lechon baboy ang rason.
Gibutyag ni Fred Dellava sa usa ka sibyaan sa radyo nga unfair kaayo kaniya nga mabaw ra kaayo ang rason nga ipapahawa sa sibyaan sa Radio Ultra.
Gisaysay niini ang nag-unang hinungdan nganong gitangtang siya ug si Edgar Navarro sa maong sibyaan tungod lamang daw sa lechon nga ilang nakaon nga ilang gitouhang alang sa mga empleyado.
Daw nahitabo kini dihang ang anak ni Cagayan de Oro Oscar Moreno nagpadala og usa ka lechon sa ilang sibyaan niadtong kasaulogan sa kapistahan denhi sa siyudad ug nakabutang sa pinutos nga lechon mao ang ngalan sa sibyaan.
Tungod kay sila lang man ang nahibilin niadtong tungora ug sa pagtuong alang gyod kadto kanila, nahukman nga kaunon uban sa pipila ka mga empleyado ug ang sobra gibahin. Gani gibutyag niini nga gamay lamang kaayo ang iyang nakaon niadtong tungora.
Apan nakurat na lamang sila dihang nakadawat og tawag gikan sa management nga ipadala ang maong lechon didto sa panimalay sa tag-iya sa sibyaan ug pagkasayod nga hurot na kini gitawag sila og “patay gutom,†“bulaos,†ug “uncivilized.â€
Gani daw, ila pa nga gihulipan ang maong lechon apan daw wala nakuntento niini ang management ug daw miingon pa nga “walay lami†ang maong lechon nga hulip. Tungod usab niini maoy hinungdan nga gitangtang sila sa ilang trabaho.
Sa pagkakaron, wala pay reaksyon ang dxRU Radio Ultra president ug tag-iya nga si Maria Clarisa Gualberto-Suan kinsa kasamtangan nga anaa sa kaulohan.
Ang duha ka mga empleyado ang nagpatabang na usab sa Cagayan de Oro Press Club ug National Union of Journalists of the Philippines kinsa wala mahimout sa nahitabo ug misaad nga motabang. (SVB)
Gipatik sa mantalaang SuperBalita Cagayan de Oro Septembre 12, 2015.
Linkback:
https://tubagbohol.mikeligalig.com/index.php?topic=80946.0
