PATAY ang usa ka lalaki human gidunggab sa iyang kauban nga drayber sa traysikad kay iyang giingnan nga wa kini kaligo.
Ang insidente nahitabo alas 10:30 sa gabii, Dominggo, didto sa del Rosarion Street, Barangay Rafael Castillo, Agdao District, dakbayan sa Davao.
Dead on arrival na nga nahidangat sa Southern Philippines Medical Center (SPMC) ang biktima nga si Jerry Hernandez, 43, nagpuyo sab sa dapit samtang ang suspek nailhang si Herman Bilbao, 47.
"Nag-inom sila ni Johnny Doromal, niagi ko, giingnan man kaha ko'g baho ko ug walay kaligo," saysay sa suspek nga nahinabi sa SuperBalita kagahapon.
Nasayran nga sa kalagot sa suspek, miuli kini sa ilaha mikuha'g kutsilyo dayon mibalik ug gidunggab ang suspek sa dughan sa makadaghang higayon.
Hinuon gilayong nasikop ang suspek pag-abot sa miresponde nga kapulisan sa Sta. Ana Police Station.
Sa kasamtangan, ang suspek gibalhog na sa selda sa Sta. Ana PNP samtang giandam na ang kaso nga ipasaka kaniya didto sa korte. (JPC)
Gipatik sa mantalaang Superbalita Davao Hunyo 28, 2016.
Linkback:
https://tubagbohol.mikeligalig.com/index.php?topic=82458.0