Ni JOY F. TUMULAK
KRITIKAL ang usa ka ulitawo human kini gipusil sa bana sa babaye nga iyang gibisitaan sa eskina sa dalan Tres Borces ug S. Cabahug, Barangay Mabolo, siyudad sa Sugbo, pasado alas 6:00 sa miaging gabii.
Ang samdan sa iyang ulo mao si Romel Villomo, hingkod, trabahante sa usa ka pabrika ug taga Barangay Maguikay, siyudad sa Mandaue.
Ang suspek sa pagpamusil mao si Junfrey Llanto alyas Bordie, molupyo sa nahisgotang daÂpit ug way trabaho.
Sa imbestigasyon ni SPO2 Rommel Bancog ug mga kauban sa Homicide Section nagbutyag nga naabtan sa suspek ang biktima diha sa ilang panimalay nga namisita sa batan-on niyang misis.
Ang suspek nikuha og armas ug gipusil ang biktima. Nisibat dayon human sa hitabo.
Dugang nasayran sa kapulisan nga makaÂdagÂhan na maabti ang biktima nga mobisita sa asawa sa suspekl bisano og bag-o lang sila nga nagkaila.
Dako ang pagduda sa suspek nga may relasyon ang iyang asawa ug ang biktima, apan kusganon kini nga gipanghimakak sa asawa sa suspek.
Gipatik sa mantalaang SuperBalita Cebu Septembre 15, 2015.
Linkback:
https://tubagbohol.mikeligalig.com/index.php?topic=80983.0
