Ni Romeo Limpangog
Banat News
Bag-ong estilo sa pagpanulis, imbes nga armas ang ition papel ray gitunol nga dunay nakasulat nga nagpahibalong "gitulis tika."
Kini maoy nahitabo sa kaherang si Miriam Lumandos sa Shell gasoline station nga gipanag-iya sa negosyanteng si Felix Po nga nahimutang sa dalan A.C. Cortes Avenue sa barangay Cambaro, siyudad sa Mandaue.
Sumala pa sa pagsusi ni PO3 Raniel Cartin sa Presinto 5 sa Opao Police station ang suspek luwan sa usa ka kolor blue nga Honda XRM nga may nakabutang nga plakang "For Registration" nagpatubil og gasolina.
Human magpatubil miduol kini kang Lumandos ug imbes nga mobayad gitunolan niya kini
og papel nga may gisulat nga "Ibutang ang tanang kuwarta sa lamesa kay tulis kini." Sa kahadlok ni Lumandos gibutang usab niya ang mokabat P2,000 nga halin ug gihakop gilayon sa tulisan dayon mipabulhot ngadto sa unang Mactan Mandaue Bridge ug mipaingon sa dakbayan sa Lapu-Lapu.
Linkback:
https://tubagbohol.mikeligalig.com/index.php?topic=47579.0
