Ni Dennes R. Tabar ug Guam P. Logroño
Wednesday, June 13, 2012
TRESURERA sa barangay nga wa makaaguwanta sa giingong pagsige og pakita sa mga demonyo
ug sa kanunay niyang madungog nga hunghong naghikot sa iyang liog sulod sa ilang balay niadtong
Martes sa alas 11 sa buntag sa Barangay Tigbao, lungsod sa Badian, Sugbo.
Si Carmelita Baltazar, 62, single mother, paÂtay nang nagbitay sulod sa iÂlang balay dihang naÂabtan
sa iyang manghod nga baÂbaye nga iya rang silingan.
Si PO1 Randy BalanÂsag, imbestigador sa Badian Police nga nahinabi sa Sun.Star Superbalita, nagkanayon nga
si Kapitan Vitaliano Cominghod, maoy personal nga nipahiÂbawo sa pulis ug nangayo og tabang.
Sumala niya nga ilang naabtan si Baltazar nga nagluhod, may hikot nga pisi ang liog ug ang pikas tumoy gihikot
sa kahoy sa ibabaw sa ilang gamay nga balay.
Gitabang gilayon nila ug gitangtang ang hikot sa liog dayon gidala kang Dr. Urduja Espiritu, Badian
municipal health officer, kinsa maoy nideklarar niini nga patay.
Wa hinuoy foul play ang kamatayon ug way suicide note samtang ang cell phone niini nga nakuha sa lawas
pulos lang mga mensahe niini ngadto sa iyang igsuon ug anak.
Ang bugtong anak niini nga 21 anyos nga nagtrabaho sa munisipyo sa Badian nitug-an kanila nga ang
iyahang inahan nag-antos sa iyang problema nga makakitag mga demonyo, ingon man makadungog
nga may tawo nga magsigi og hunghong kaniya.
Si Baltazar mahadlok kon makakita sa mga demonyo ug makabati sa tingog nga mohunghong kaniya kaniadto
pa hinungdan nga kini maoy gituohang rason nganong siya naghikog.
Gawas niini, ang anak nibutyag nga ang iyang inahan napaakan sab og iro apan wa magpa-injection
og anti-rabies ug anti-tetanus shots ug giaÂyom-ayom lang ang pagpatambal sa kinaraan.
Di makatulog
Samtang gipasabot sab sila ni Dr. Espiritu nga kon ang usa ka tawo dunay problema sa visual ug auditory hallucination,
di gyud kini makatarong sa pagkatulog ug mahadlok.
Nasuta sa paghiling sa patay’ng lawas niini nga walay timailhang dunay foul play kay namatay lang gyud kini
sa paghigot sa iyang liog, apan gisugyot sa kapulisan nga ipa-ubos sa autopsy.
Si Cominghod niklaro nga way problema sa iÂÂlang barangay ang iyang treÂsurera, ug wa sab makadispalko
og kwarta hinungdan nga nahibulong sila nganong naghikog.
Hinuon sila sa kapuliÂsan mopalawom pa sa ilang imbestigasyon sa insiÂdenti.
Kay magminyo
Samtang sa laing hiÂtaÂbo, usa ka amahan nagÂhikog tungod kay anak nga babaye nga tinun-an
sa 3rd year college sa kursong nursing magÂminyo.
Ang naghikog giila sa kapulisan sa Basak Police Station nga mao si Ruperto Budaño, 50, minyo,
usa ka construction worker, taga Upper Tabok, Mandaue City.
Pasado alas 5 sa buntag, ang kapulisan nakaÂdawat og tawag sa telepuÂno nga nagpahibawo labot sa lawas nga nakit-an.
Base sa imbestigasyon sa kapulisan nasuta nga si Budaño nakit-ang patay nga nagbitay sa punoan sa lubi.
Ang asawa sa biktima nibutyag nga naguol ang iyang bana tungod kay ang iyang anak nga tinun-an sa 3rd year
college sa kursong nursing gusto na nga magpakasal sa iyang uyab.
Apan na-problema ang amahan tungod kay wa kini makahibawo kon unsaon niya pagsulti ang iyang igsuong
lalake nga atoa sa gawas sa nasud kinsa maoy nagpa-eskuwela niini.
Ang mga tinugyanan sa Scene of the Crime Operation (SOCO) pinangulohan ni Chief Insp. David Alexander Patriana
niingon nga wala silay nakitang foul play sa kamatayon niini.
Gani nisamot kalig-on ang pagtuo sa kapulisan nga way foul play ang hitabo tungod kay ang kapulisan nakakuha
man og suicide note duol sa lawas niini.
Ang lawas sa pagkakaron anaa karon sa Saint Peter Funeral Homes.
Samtang ang anak sa namatay nga si Cyrielle Budaño kinsa maoy nirepresentar sa pamilya sa namatay nipahibawo
nga wa silay planong nga ipa-autopsy ang lawas sa iyang amahan tungod kay kombinsido silang walay foul play ang hitabo.
Gipatik sa mantalaang SuperBalita Cebu Hunyo 14, 2012.
Linkback:
https://tubagbohol.mikeligalig.com/index.php?topic=51360.0
Topic: Treasurer `nakakakita’ og demonyo, naghikog (Read 563 times)