Ni Guam P. Logroño
Sun Star Cebu
Nababha ang abaga sa usa ka mag-uuma human gitigbas sa kaugalingong asawa tungod lang sa ilang away sa gihimo niining takalanan o upahanan sa mga baka sa miaging udto sa Barangay Biga, dakbayan sa Toledo.
Si Juan Macaday 43, samdan sa iyang abaga human gitigbas sa sundang sa iyang asawa nga si Prima, 42, dihang nahitabo ang panaglalis sa magtiayon.
Si SPO4 Gil Lastimosa sa Toledo Police Station nga nahinabi sa Sun.Star Superbalita nagkanayon nga ang biktima nga si Juan nagpapukili sa paghimo sa takalanan sa mga baka dihang giapas sa asawa niini sa pagpauli na alang sa paniudto.
Apan giingong nasuko ang asawa ngadto sa iyang bana human giingnan niini nga maayo lang modawat og bayad sa ilang pagpatakal sa hayop.
Samtang didto na sa ilang panimalay, matud ni SPO4 Lastimosa, ang ang bana nanghagis, gipangguba ang ilang bungbong ug ubang mga butang.
Sa kapungot sa asawa, nikuha kini og sundang ug gitigbas ang iyang bana sa abaga.
Human sa insedenti, ang bana daling gidala sa tambalanan samtang ang asawa nitahan sa iyang kaugalingon ngadto sa kapulisan.
Linkback:
https://tubagbohol.mikeligalig.com/index.php?topic=33029.0
