`Engkantong itom miluok’ sa 2 ka tinun-an
Ni Sheila C. Gravinez
Tuesday, July 3, 2012
LALAKE nga engkanto nga giingong nasuko nga giputol ang kahoy nga iyang gipuy-an ang gitumbok sa
duha ka mga babayeng tinun-an sa usa ka national high school sa lungsod sa Consolacion nga maoy nanghasol ug nagpakita nila.
Naukay ang mga tinun-an sa maong tunghaan kagahapon sa buntag gumikan sa paghilak nila si Julie ug
Charlindhil (dili tinuod nga pangan) human giingon nga nagpakita nila ang usa ka itom nga lalake
Giingon nga nagsugod og pagpakita ang maong dili ingon nato human giputol ang usa ka punoan sa
mahogany ug gmelina niadtong Biyernes nga matod pa maoy gipuy-an niini.
Sila si Julie ug Charlindhil niasoy nga dili sila lum-an sa maong itom nga lalake hangtod nga dili masilotan
ang nagputol sa kahoy nga iyang gipuy-an.
“Dili mi niya lum-an hangtod dili daw mi niya mapatay tungod kay gipatay daw kuno namo ang iyang anak,â€
sugilon sa usa sa mga tinun-an ngadto sa TV reporter sa Balitang Bisdak kagahapon.
Ang amahan ni Julie nipadayag og kabalaka sa gipakita nga kahadlok sa anak sa nakita niini.
Si Emilia Ibones, principal sa tunghaan, nipadayag nga dili siya motuo sa pamahayag nga dunay dautang
mahitabo kaniya tungod sa pagpaputol sa maong mga kahoy.
“Kita no naa man gyud ta sa pagtuo, ako dili ko mahadlok sa mga ingon niana ba sa mga bata...kay Ginuo
ray nasayod kanus-a ta mamatay,†padayag sa maong principal.
Iyang giklaro nga kumpleto sila sa papeles sa pagpaputol og kahoy ug dili kini ang unang higayon nga duna
sila giputol nga kahoy sud mismo sa tunghaan.
Si Msgr. Esteban Binghay, episcopal vicar sa Artsidyosesis sa Sugbo nagkanayon nga posibleng “auto suggestionâ€
o hallucination lang ang nahitabo sa mga tinun-an.
“Mao man na atong kultura basta naay mga kahoy pamutlon sa libon, mag-hallucinate dayon nga dunay mga engkanto,
dili ingon nato magpakita. Maybe there is something wrong sa ilang pagtuo,†padayag ni Binghay dihang gikuhaan
og pamahayag sa Sun.Star Superbalita kagahapon labot niini.
Iyang gitambagan ang mga ginikanan sa mga batan-ong estudyante nga magpa-ampo sa Mary’s Little Children
sa Barangay Tabunok, dakbayan sa Talisay aron mapalig-on ang ilang pagtuo sa Ginuo.
Gawas sa pag-ampo, ang episcopal vicar nisugyot usab nga ipaubos sa debriefing ang maong mga tinun-an
tungod sa iyang pagduda nga posibleng duna ni gisagubang nga problema sa pamilya.
Gipatik sa mantalaang SuperBalita Cebu Hulyo 03, 2012.
Linkback:
https://tubagbohol.mikeligalig.com/index.php?topic=52013.0
Topic: Tinun-an gisudlan ug dautang espiritu? (Read 1366 times)