Tindero og relo gikawatan ug gidunggab
BALAY-TAMBALANAN ang gitugpahan sa tigbaligya og relo human gidunggab sa wala mailhing lalaki sa Overland Terminal, Tagum City alas 6:40 niadtong milabayng gabii.
Giila ang biktima nga si Ronelo Yantor, 34 anyos, minyo nga taga Panabo City.
Sumala sa imbestigasyon sa kapulisan, naglakaw-lakaw lamang ang biktima sa likod nga bahin sa terminal apan kalit adunay upat ka mga lalaki ang kalit migunit kaniya dungan sa pagkuha sa iyang baligyang relo.
Sa maong panghitabo, misukol ang biktima sa mga suspek pinaagi sa pakigsinumbagay apan wala pa man nakaporma ang biktima gidunggab dayon kini sa mga suspek.
Nakahiagom og ubay-ubay nga mga samad-dinunggaban ang biktima sa kalawasan niini.
Nagtuo usab ang kapulisan nga kawat ang duol nga motibo sa maong kaso tungod nahanaw ang upat sa 12 ka mga relo nga dala sa biktima.
Padayon pa ang imbestigasyon sa Theft and Robbery section sa kapulisan sa maong krimen.(Angel de Vera) - Brigada News
Linkback:
https://tubagbohol.mikeligalig.com/index.php?topic=41048.0
