Ni Brenda D. Batuto, GMR (Banat) | Updated June 14, 2015 - 12:00am
CEBU, Philippines - Wala pa’y napasaka nga kaso batok sa babaye nga giingong tiglawog og mga batan-ong babaye sa usa ka Amerikano sa dakbayan sa Bogo.
Ang babaye kinsa wala pa usab nasikop giingong bayran ni Harold Glover sa pagdala og babaye sa balay niini.
Ang mga biktima bayaran human molestiyahon sa Amerikano.
Gawas sa ibayad ni Glover ngadto sa tiglawog, mangayo pa gyud kini sa ibayad ngadto sa mga minor de edad.
Ang mga ginikanan sa mga babaye buot nga masikop ug mapasakaan na og kaso ang mao’ng babaye.
Si Bise Gobernador Agnes Magpale, co-chairman sa Provincial Commission for the Welfare of Children, nipasalig nga pasakaan gyud nila og kaso ang suspek human ang mga minor de edad nihatag na og testimoniya.
Si Glover una’ng nasikop sa niaging semana atol sa ronda sa iya’ng panimalay ug naaktohan sa mga polis nga uban sa upat ka menor de edad kinsa tulo niini nagpanuigon og 15-anyos ug usa ka 16-anyos sa iya’ng gipuy-an sa barangay Taytayan, Bogo. (BANAT NEWS)
Linkback:
https://tubagbohol.mikeligalig.com/index.php?topic=80208.0
