MikeLigalig.com

MAAYONG pagka-igo sa dughan mismo sa biktima human kini gi Indian pana sa wala maila nga mga suspetsado samtang nagbantay sa prutasan niadtong Huwebes mga alas 8:30 sa gabii sa Medina, Misamis Oriental.

Talandugon ang kahimtang sa biktima nga nailing si Ernesto Hogo, 47, minyo ug lumulupyo sa susama nga dapit samtang ang usa sa mga suspetsado kinsa mao ang nagpana sa biktima nailang si Noel Ladao diin ang duha niini ang pabiling wala maila.

Subay pa sa impormasiyon gikan sa Northern Mindanao Medical Center (NMMC), dakbayan sa Cagayan de Oro, gikabutyag nga nasapon sa biktima ang tulo ka mga suspetsado nga buot mangawat sa gibantayan niining prutasan.

Giingong ang usa niini ang nasapon gayud nga anaa sa taas sa punoan samtang ang duha ang anaa sa ubos nga bahin apan wala kini magdahom nga kalit kining panaon.

Diha mismo sa dughan naigo sa pana ang biktima hinungdan nga anaa kini sa kritikal nga kahimtang samtang ang mga suspetsado ang pabiling gawasnon.


Sa pagsulat niini nga balita ang biktima ang pabilin pa nga nagpaalim sa NMMC. (KCS)

Linkback: https://tubagbohol.mikeligalig.com/index.php?topic=81818.0