Naalarma ang kapuliÂsan sa Mabolo, dul-an sa 50 metros ang gilay-on ug naabot sila si Inspector Tata Inso ug kaubaÂnan.
Ang biktima naghayang, ang short nahulhos paingon sa ubos dili pa kaabot sa tuhod, ang iyang gisul-ob nga t-shirt natukas kutob sa iyang kuto-kuto, duol sa iyang nahimutangan ang bato nga nagkadugo ug ang tsinelas.
Ang biktima nigamit ug karton nga iyang gihigot og liston ug maoy gitabon ug gipiit sa iyang dughan aron dili mobugdo ang iyang dughan.
Gidudahan sa kapuliÂsan nga kapin sa usa ka tawo ang mihimo sa krimen, ilang gituohan nga gidala ang biktima diha sa kasagbotan, gihapsan og bato ang nawong hangtod nga nakuyapan ug didto gipahimudsan.
Mga tawo nga anaa magpuyo daplin sa sapa ug atbang sa nahimutaÂngan sa biktima miingon nga wa sila makaduÂngog og siyagit sa usa ka babaye, kusog ang uwan nianang gabii hangtud nga milurang pasado alas 2 na sa kaadlawon.
“Wa gyud makaduÂngog og singgit sa mga tawo, kusog man ang uwan sa siyudad sukad gabii hangtud sa kadlawon,†matud pa ni Ayuman.
Mga tawo nga niaÂlirong sa biktima wa makaila sa iyang pangalan, apan nakamatikod sila nga usa kini ka estudyante sa Mabolo National High School.
Gikatakda nga ipa-autopsy sa kapolisan ang patay nga lawas sa biktima aron matino ang iyang namatyan.
Linkback:
https://tubagbohol.mikeligalig.com/index.php?topic=74042.0
