SuperBalita Cagayan de Oro
Ni Stephanie Viovicente-Berganio
Friday, October 10, 2014
WALA nilampos ang usa ka lalaki paglugos sa 76 anyos nga lola tungod kay giingong wala mitindog ang kinatawo niini, hinungdan iya na lamang gitulis ang biktima niadtong gabii sa Huwebes sa usa ka barangay sa lungsod sa Jasaan, Misamis Oriental.
Ang lola itago na lamang sa ngalan nga mao si Ignacia, (bansagon gipugngan), nag-inusara lamang nga nagpuyo sa susamang dapit.
Gitumbok nga suspetsado mao si Jaime (bansagon gipugngan), 45, minyo ug adunay walo ka mga anak, residente sa susamang dapit ug giingong lango sa ilimnong makahubog niadtong tungora.
Si SPO1 Paul Salcedo, imbestigador sa Jasaan Police Station, nibutyag nga nag-inusara lamang sa panimalay si Ignacia niadtong tungora ug gikan usab kining nahalinan og binuhing baka sa kantidad nga P15 mil.
Samtang nanihapon ang biktima, giingong nanuktok ang suspetsado, gipasulod usab ni Ignacia sa pagtuong aduna kini importante nga tuyo apan nakurat ang biktima dihang kalit lang siyang giposposan og lubi ang ulo ug gisakyan sa suspetsado ug deretsong gisuwayan og lugos dungan usab sa paghinol sa mga pribadong parte sa lawas sa biktima.
Dihang wala mitindog ang pribadong parte sa lawas sa suspetsado, gipangayo niini ang halin sa baka sa biktima.
Linkback:
https://tubagbohol.mikeligalig.com/index.php?topic=79087.0
