MikeLigalig.com

SuperBalita Cebu
Ni Guam P. Logroño
Tuesday, June 25, 2013


BATAN-ONG lalaki nga gituohang nalisoan sa pa­ngisip misaka sa lubi ug niambak nga ingon si Superman, napalgang patay nga nalusbo ang iyang kabu­kogan.

Tungod sa kagrabe sa impact, ang iyang lawas ug utok nagtapot.

Sa wa pa kini mahitabo, si Reymar Empas, ulitawo, 21, taga Brgy. Jomgao, Argao, nisulti kining gusto na siyang mamatay kagahapon sa buntag.

Si PO2 Marvin Chin, imbestigador sa Argao Police nga nahinabi sa DYSS Super Radyo/ Sun.Star Superbalita, nihulagway kang Empas nga gisul-an sa suliran sa pangisip hinungdan sa pag-ambak sa lubi nga gibana-banang dunay 40-ka-tiil nga gitas-on.

Matod ni Chin nga ang apuhan nga si Anastacia Manso nibutyag nga nagsige na og yawyaw sayo sa buntag ang iyang apo nga gusto na siya magpakamatay.

Kalit lang kini nga nigawas sa ilang balay, nikaratil pagdagan paingon sa kalibunan dayon mikatkat sa punuan sa lubi.

Sa kabalaka sa apuhan, nangayo siya og pakitabang sa iyang mga silingan, paryente ingon man mga barangay tanod aron mabadlong ang biktima.

Ang mga barangay tanod nga sila si Elizier Mamulang ug si Catalino Pantinople Jr. dali dayong misuhid sa kalibunan sa nahisgutang lugar uban sa ilang mga silingan.

Sa ilang pagtan-aw wa na didto sa ibabaw sa punuan sa lubi si Empas hinungdan nga ilang gipa­ngita sa ubos nga kasagbutan.

Didto ilang nakit-an ang biktima nga naghayang.

Ilang gidali sa pagda sa tambalanan sa lungsod ang biktima apan gideklarar nga dead on arrival.

Si Chin nagkanayon nga atol sa iyang paghinabi sa doktor sa tambalanan, nibutyag kini kaniya nga wa maka-survive ang biktima tungod sa grabeng kadaot sa lawas.

Tungod sa kagrabe sa impact, nahugno ang iyang spinal column ug ang iyang lawas misaka sa utok.

Gidugang niya nga ang apuhan nibutyag nga taud taud nang dunay problema sa pangisip ang iyang apo, sagad motukar kon mapasaran sa kaon.

Kaluoy tawon...

Quote from: hubag bohol on June 26, 2013, 09:27:37 AM
Gidugang niya nga ang apuhan nibutyag nga taud taud nang dunay problema sa pangisip ang iyang apo, sagad motukar kon mapasaran sa kaon.

Agoi, kinahanglan di jud ko magpapasar sa kaon ani...

may he rest in peace.  at least nipanaw siya nga superman.

Makapaukyab man pud ning balitaa intawon. Tiaw bay si Superman ang naghikog. Mawad-an ug negosyo ang Hollywood.

abat bitaw ug titling ni si hubag.  nakuyawan god kog ang akong boyfriend ang naghikog.  maayo gani kay on call ko by hollywood.  this is catwoman.

Quote from: Mike Ortega Ligalig on June 26, 2013, 10:28:33 AM
Makapaukyab man pud ning balitaa intawon. Tiaw bay si Superman ang naghikog. Mawad-an ug negosyo ang Hollywood.

He he, OK lang, kay naa may sequel nga "Superman Reincarnated". Uso na man ang reincarnation ron...