Ni KRIS C. SIALANA
GIBITBIT sa wala maila nga suspetsado ang bag sa biktima samtang nag-apil kini og Holy Mass sa Nazareno Church niadtong Dominggo sa buntag sa C.M Recto Avenue, Dakbayan sa Cagayan de Oro.
Ang nagpatala naila nga mao si Apple Grace Gogo, 24, dalaga ug residente sa Osmeña Street, Barangay 26.
Sa impormasiyon gikan sa Police Station 3 (PS3) sa Agora, gikabutyag nga samtang gibutang lamang sa biktima ang iyang bag sa bangko kilid sa gitindogan niini sa dihang seryuso nga nanalangin ug nagsimba, nakurat na lamang sa dihang kalit nga nahanaw na ang maong butang.
Sulod sa maong bag ang cellphone niini, mga ID, salaping cash ug uban pa nga mga importanteng dokumento ug mga butang.
Sa pagkakaron, ang maong insidente nakatala na sa maong buhatan alang sa dugang pa nga imbestigasiyon.
Gipatik sa mantalaang SuperBalita Cagayan de Oro Septembre 08, 2015.
Linkback:
https://tubagbohol.mikeligalig.com/index.php?topic=80907.0
