SuperBalita Davao
Ni Jeepy P. Compio
Wednesday, October 23, 2013
SUD lamang sa kapin tulo ka bulan, 75 na ka tawo ang gipamatay sa riding in tandem nga mamumuno dinhi sa siyudad subay sa listahan sa Sun.Star Davao Superbalita.
Pinakaulahing biktima mao si Archie Ladera, 32, minyo, trisikad driver, nagpuyo sa Block 53, Barangay 21-C Poblacion, siyudad sa Davao.
Si Ladera gipusil patay sa wa mailhing mga mamumuno ala 1:00 sa hapon kagahapon, Miyerkules, didto sa Aurora, Barangay 33-C Pobalcion.
Suma sa nakasaksi, natulog ang biktima sa bangko sa tindahan apan kalit miabot ang mamumuno dayon gipusil ang biktima sa ulo ug kamot mao nga patay nang miabot sa tambalanan.
Nasayran nga ang biktima apil sa mga tawo nga naa sa listahan sa Oplan Tuktok Hangyo (Oplan Tukhang) sa kapulisan tungod kay nalambigit sa gidiling druga.
Niadtong alas 4:15 sa hapon sa Martes, gipatay usab ang giingong bread winner sa iyang pamilya didto sa Lapu-Lapu St., Barangay Agdao Proper, Agdao District.
Linkback:
https://tubagbohol.mikeligalig.com/index.php?topic=76402.0