MikeLigalig.com

Ni Bryner L. Diaz/GMR (Banat) | Updated June 11, 2015 - 12:00am


CEBU, Philippines - Patay diha-diha ang usa ka lalaki nga milayat sa skywalk sa may Fuente Osmeña Rotunda, dakbayan sa Sugbo kagahapon sa buntag.

Ang mao’ng lalaki nailhan nga si Rodulfo Abig, taga Quezon City kinsa nagsul-ob og puti nga T-shirt, checkered nga puwa ug puti nga short pants, tambukon ug anaa na sa mga 30 ang pangedaron.

Sumala pa sa usa ka vendor nga nagpaila nga Maricel kinsa duol sa skywalk nga iya na lang nabantayan nga naglupad na ang lalaki nga nagdupa sa iya’ng kamot.

Matud ni Maricel nga daw mura og Spiderman ang lalaki nga nilayat gikan sa skywalk.

Medyo nakuyawan siya sa iya’ng nakita apan sa pagtugpa sa lalaki sa aspaltado’ng karsada, nilagubo nga nag-ubo ug nibanaw dayun ang dugo.

Dugang ni Maricel nga nagduha-duha siya sa pagsusi sa lalaki kay nakurat kaayo siya sa iya’ng nakita.

Dihang naabot ang usa ka traffic enforcer nitawag dayun kini og tabang ug naabot ang ambulansya sa Sambag II nga mao’y nidala sa lalaki ngadto sa Vicente Sotto Memorial Medical Center.

Diha’ng nadangat sa tambalanan, gideklarar na nga patay na. (BANAT NEWS)

mohuwat na lang ko ni batman.

Akong tambag, ayaw na lang. Mas paspas pa ni siyang motiurok...

wala ba kaha to nahubog sa shabu? abi tingali niya ug dili na motugpa.

Di ba kaha paint thinner ang gisuyop kay pintor man kuno diay si Spiderman...