MikeLigalig.com

Ni Rene U. Borromeo (Banat) | Updated March 27, 2013 - 12:00am


CEBU, Philippines - Gitaktak sa serbisyo si Municipal Trial Court in Cities (MTCC) Judge Rosabella Tormis human siya mamatud-i nga nakahimo og daghang salaud, apil niini ang daw pagka-ignorante sa balaud.

Si Judge Tormis maoy naghupot sa MTCC Branch 4 nga anaa magbasi sa ikaupat nga andana sa Palace of Justice building, luyo sa Kapitolyo.

Matud sa tanang justices sa Supreme Court nga dili na gyud angay’ng pasayloon pa si Judge Tormis kay ingon sa wala gihapon siya maleksyon bisan makapila na gisuspenso sa lainlaing kasaypanan.

Si Chief Justice Maria Lourdes Sereno miingon nga basi sa dokumento, si Judge Tormis namatud-ang sad-an sa gross ignorance of the law, gross inefficiency ug sa uban pa nga kalapasan.




Linkback: https://tubagbohol.mikeligalig.com/index.php?topic=71537.0

Duna say duha ka kaso nga wala gyud maresolbar ni Tormis bisan og dul-an na kini sa napulo ka tuig nga napasaka sa iyang sala. Dunay 112 ka kaso nga kriminal ug 83 ka kaso nga civil nga nahuman na sa paghusay ug gisumiter na aron himoan niya’g desisyon apan wala kini mahimoi ni Tormis.

Ang rekord sa Supreme Court nagpakita nga makatulo na ka higayon nga gisuspenso si Tormis apan matud sa mga justices nga wala gihapon makat-on ang huwes.

Dunay usa ka higayon nga giisip sa Supreme Court nga ignorante sa balaud si Tormis kay gipadakop niya ang usa ka sinumbong bisan og wala pa gani kini makaatubang og husay.

Bisan og gimando na nga taktakon sa serbisyo si Tormis apan duna pay laing mga kaso nga gipasaka batok kaniya nga wala pa maresolbar sa Supreme Court.  (BANAT NEWS)

Linkback: https://tubagbohol.mikeligalig.com/index.php?topic=71537.0

Agoi...

Linkback: https://tubagbohol.mikeligalig.com/index.php?topic=71537.0