Ni DENNES R. TABAR
GUMIKAN lang sa lain nga tiÂnan-awan sa iyang silingan, hamtong nga lalake nipusil sa iyang siÂlingan hinungdan sa pagkadangat sa tambalanan.
Nahitabo kini sa Barangay JacÂlupan, dakbayan sa Talisay niadtong miaging buntag.
Ang biktima giila nga si JohnÂrey Francisco, 25, ulitawo samÂtang ang suspek giila sa kapulisan nga si Joel Wenceslao, 44, minyo.
Si PO3 Jason del Campo, imbestigador sa Talisay City Police Station, niingon nga ang biktima diha sa ilang balay sa dihang giaÂtaki sa suspek ug gipusil makausa ka higayun gamit ang wa matino nga armas.
Base sa imbestigasyon sa kapulisan, si Wenceslao nasuko kang Francisco tungod sa tinan-awan niÂini nga iyang gihulagway nga pwerÂteng haita.
Gibutyag ni Del Campo nga ang suspek nibutyag nga di lang kausa ka higayun siya gitabisan ni Francisco kon di makadaghan na.
Hinungdan nga wa na siya maÂkaÂagwanta, iyang giduol si Francisco ug pusil makausa.
Samdan sa iyang wala nga bukton ang biktima ug gidaÂla sa Talisay City District Hospital samtang ang suspek nisibat unta apan nasikop sa mga barangay tanod.
Gipatik sa mantalaang Superbalita Cebu Disyembre 31, 2015.
Linkback:
https://tubagbohol.mikeligalig.com/index.php?topic=81625.0
