Ugmang adlawa, gikatakda nga ipahigayon sa barangay ang special session kabahin sa ilang plano nga mopasar og reÂsolusyon ug ipadala kini kang Cardinal Vidal ug Archbishop Jose Palma sa Artsidyosesis sa Sugbo diin nagkondinar sa maong pari ug sa batasan niini nga gipakita sa katawhan.
Si Ybañez sa iyang bahin, nipasabot nga wa siya makadapat kang TeÂresita Sambrana, ang tindera nga nireklamo.
“Ako gyud siyang nahapakan apan wala maigo,†matod ni Ybañez.
Nihulagway pa kini nga nakaminus ang tindera kaniya sa gibuhat niini nga pagguba sa kandado sa gate ug matod pa niya nga gituyo nila kay pari ang ilang kontra ug dali ma-isyu.
Nasuta sa Sun.Star Superbalita nga mi-resign ang project engineer sa kasamtangan nga gitukod nga simbahan nga si Bonifacio Atienza ug kanhi sekretarya sa simbahan nga si Juan Mandahuyan tungod sa batasan ni Ybañez.
Apan ang residente sa maong barangay nga si Trinidad Diaz, 47, kinsa magsimbahan sa maong parokya nihulagway nga buotan ang maong pari ug wa siya makadungog og bati niini sa mga wali sulod sa kapin duha ka tuig na sa ilang lugar.
Usa ka komento sa Sun.Star Superbalita Facebook page usab ang nanalipod kang Ybañez.
“Maayo man na si Father Ybañez. Gikan man na sa among parokya before na siya na assign sa Dumanjug. Momisa man gani na libre, labina tan-awon niya pobre intawon to tagtungod. Di pod na siya nawong og kwarta. Basin giabusaran nila.â€
Gipatik sa mantalaang SuperBalita Cebu Septembre 05, 2015.
Linkback:
https://tubagbohol.mikeligalig.com/index.php?topic=80890.0
