Shudi nga gihulagway sa kapulisan nga kusog mang-tumbling sa iyang customer napalgang patay nga dunay ginulgolan sa liog, natusak sa mga dinunggaban ang lawas sa kalibunan niadtong Dominggo sa alas 6:50 sa buntag sa Sitio Guiwanon, Barangay Poblacion, lungsod sa Dalaguete.
Si Ronald Gonzaga, 27, ulitawo, choreographer, taga Sitio Campo, Barangay Balisong, lungsod sa Argao, naglunang sa dugo dihang napalgan sa usa ka residenti sa lugar.
Si Insp. Dexter Basirgo, hepe sa Dalaguete Police nga nahinabi sa Sun.Star Superbalita, niingon nga duha ka mga anggulo ang ilang gisubay nga motibo sa krimen.
Una, ang giingong paggamit og lalake sa biktima tuÂngod kay daghan sila og nadawat nga report nga dunay mga gikarelasyon niini ingon man kustomer nga wa bayri.
“Daghan daw nga naglagot sa biktima kay dili mobayad sa mga lalaking iyang ika-uban sa lawasnong kalipay hinungdan nga posibling napungot, gidunggab, “dugang ni Basirgo.
Ikaduhang anggulo nga ilang gisubay mao ang tulis tungod kay ilang nahibaw-an nga bag-
uhay lang kining nag-withdraw sa ATM sa pension sa iyang apuhan.
Samtang sa crime scene, nawagtang ang pitaka sa biktima ingon man cell phone.
Hinuon wa sila mohunong sa pagpanguha og impormasyon kalabot sa krimen sa pamasin nga ilang mailhan ang killer.
Sa pagkakaron, ilang gipaningkamutan nga mahinabi ang mga lalakeng gikarelasyon sa biktima sa pamasin makakuha silag dugang impormasyon.
Ang biktima gikatahong kanunay moanha sa lungsod kay sakop sa Dalaguete Gays Association.
Lakip sa ilang gisubay ang traysikad driver nga maoy naghatod sa biktima sa maong lugar ug nakit-ang katapusang kuyog sa biktima.
Sa ilang nahibaw-an nga daghang mga trisikad driver sa lugar nga giingong kustomer sab sa biktima, uban niini nasagmuyo kay gipang-tumbling.
Gipasabot niini nga kon ilang mailhan ang maong trisikad driver,posibling makatabang sa pagresulbar sa krimen.
Samtang di pa sila makatug-an kon pila gyud ang mga samad sa biktima sanglit nagpaabot sila sa resulta sa paghiling sa Scene of the Crime Operatives (Soco-7) nga maoy nihiling sa lawas.
Linkback:
https://tubagbohol.mikeligalig.com/index.php?topic=60246.0
