Author Topic: Shootout sa DENR OK Corral, 4 patay (Read 856 times)

hubag bohol · « **on:** November 20, 2015, 10:42:40 PM »

(Banat) | Updated November 20, 2015 - 12:00am

CEBU, Philippines - Upat ka mga sakop sa Bais City Civil Security Office ang nakalas samtang tulo ka polis ang naangol sa nahitabong pinusilay sa sud sa compound sa Department of Environment and Natural Resources nga nahimutang sa Barangay Bulwang sa lungsod sa Mabinay niadtong Miyerkules sa hapon.

Ang mga nakalas mao sila si CSO Agent 1 Feliciano â€œFelyâ€ Candido, Cedric Regino, Angel Torres ug Renato Torres, pulos job order employees sa Bais City LGU, sumala pa ni Bais City legal officer Lloyd Elmaco.

Samtang ang ikalima nga nakalas naila nga si Grasing Embalsado, kinsa matud pang Elmaco dili kawani sa Bais City.

Naangol usab sila si PO1 Reyden Cadiz, sakop sa Regional Public Safety Company-7, ug Bais City SWAT members PO1s Rodeo Jaluag ug Jemrey Montessa.

Nadakpan usab sa kapolisan ang upat ka mga kauban ni Candido nga sila si Ricky Sohot, Junjun Gutib, Richard Royo ug Rolando Candido ug nakaikyas ang uban pa nilang mga kaubanan.

Matud pa sa report, ang pinusilay nahitabo dihang ang grupo ni Fely Candido gikatahong namusil sa mga sakop sa RPSC-7 nga nakabase sa Mabinay kinsa miresponde sa tawag ni DENR-Bulwang manager Dionesia Trongcoso.

Matud pa nga ang grupo ni Candido miadto sa DENR-Bulwang aron bawion ang chainsaw nga gipanag-iya ni Sohot, nga gikompiskar sa mga forest rangers human kini nasakpang ilegal nga namutol og kahoy sud sa Mabinay Reforestation Project site niadtong Nobiyembre 5.

Nagdumili paghatag si Trongcoso sa chainsaw kang Candido ug gipasabot kini nga aduna pay administrative hearing sa kaso ni Sohot ug ang DENR regional director lang maoy maka-release niini.

Linkback: https://tubagbohol.mikeligalig.com/index.php?topic=81427.0

hubag bohol · « **Reply #1 on:** November 20, 2015, 10:43:30 PM »

Tungod kay armado ang grupo ni Candido nanawag si Trongcoso sa RPSC-7. Ang hepe sa RPSC-7 nga si Inspector Lowelyn Reyes mitawag dayon sa hepe sa kapolisan sa Bais City Police nga si Superintendent Jonathan Pineda aron pagsusi kun konektado ang grupo ni Candido sa city government nga maoy pagpaila ni Candido sa kaugalingon ug nipakita pa kini og ID sa CSO sa Bais City.

Matud pa nga miadto si Pineda ug mga sakop sa lugar human nasayran nga adunay warrant of arrest sa kasong frustrated murder ang usa sa mga kauban ni Candido.

Sumala pa nga sa pag-abot sa mga polis, gisita nila ang usa sa mga sibilyan sa grupo ni Candido nga nagbagal ang hawak apan kalit nga adunay namusil gikan sa grupo ni Candido ug nahitabo na ang pinusilay.

Si Negros Oriental Provincial Police Office director, Senior Superintendent Dionardo Carlos miklaro nga dili mis-encounter tali sa Bais City Police ug RPSC-7, o ba kaha engkwentro tali sa mga otoridad ug mga sakop sa CSG sa Bais City ang nahitabo.

Matud niya, kalit ang hitabo ug reaksyon kadto sa mga polis aron panalipdan ilang kaugalingon ug ang mga sibilyan nga kawani sa DENR dihang nagpadayon ang pagberipika sa kapolisan sa grupo ni Candido.

Giklaro usab ni Elmaco nga way otorisasyon sa siyudad ang pag-adto ni Candido ug mga kaubanan sa DENR ug wala sila makaila sa mga armadong sibilyan nga kauban sa grupo ug labaw na nga dili otorisado pagdala og armas ang mga CSO personnel sa siyudad.

Nakuha sa crime scene ang usa ka .45-caliber pistol, improvised shotgun , .38-caliber Smith and Wesson revolver, usa ka US Carbine caliber-30, tulo ka granada ug mga IDs. (BANAT NEWS)

Linkback: https://tubagbohol.mikeligalig.com/index.php?topic=81427.0

MikeLigalig.com

Author Topic: Shootout sa DENR OK Corral, 4 patay (Read 856 times)

hubag bohol

Shootout sa DENR OK Corral, 4 patay

hubag bohol

Re: Shootout sa DENR OK Corral, 4 patay