http://www.sunstar.com.ph/Wednesday, May 20, 2015
Ni PHILIP A. CEROJANO
GIKINAHANGLAN pa sa dul-an sa 3,000 ka mga senior citizen sa dakbayan sa Sugbo nga maghuwat nga dunay mamatay sa ilang mga kauban una pa sila mahatagan sa ilang hinabang gikan sa City Hall.
Ang budget karong tuiga alang lang sa 60,000 ka senior citizens, apan niabot na kini og 67,129.
Ang dugang 7,129 naa na sa listahan sa mga senior citizen sa dakbayan sa Sugbo.
Sa mao nga gidaghanon, 2,790 ang wa maapil sa payroll karong tuiga kay gibutang sila sa waiting list.
Si Domingo Chavez, pangulo sa Office of Senior Citizens Affairs (Osca), nagkanayon nga ilang nasulod ang 3,887 ka mga senior citizens sa payroll human sa ilang pagpapas sa mga ngalan sa mga lolo ug lola nga nangamatay niadtong 2014.
Iyang gipasabot nga ang nasulod sa payroll mao kadtong mga tiguwang nga unang naka-apply.
Iyang gihangyo ang wa maapil apan kwalipikado nang makadawat sa paghuwat sa ilang higayon.
“Paghuwat lang. Pag-ampo that our city councilors will approve and increase the budget higher than P720 million. Kon ilang dugangan og P60 million ang budget, kini equivalent sa 5,000 ka bag-ong applicants,†pasabot ni Chavez.
Matod niya nga adunay 40 ka mga aplikante kinsa gustong mopahimulos sa benepisyo sa senior citizens matag adlaw sa ilang opisina.
Karong tuiga, ang mga senior citizen makadawat og P12,000 nga ayuda gikan sa Siyudad.
Moabot pa lang og P3,000 pa ang ilang nadawat sa unang lima ka mga buwan.
Ang unang P1,000 giapil sa kuwang nga P2,000 niadtong 2014 nga gihatag sayo ning tuiga.
Laing P2,000 gihatag niadtong Abril kansang distribution nanukad sa matag barangay sa dakbayan.
Linkback:
https://tubagbohol.mikeligalig.com/index.php?topic=79977.0