Seaman nasaskpan
| More | Ni Guam P. Logroño
USA ka seaman nga wanted nadakpan human magtagotago uban sa iyang kabit human gipasakaag kaso sa iyang asawa, gipusasan niadtong Huwebes sa alas 12:00 sa udto sa Sitio Mahayahay Barangay, Daanglungsod, lungsod sa Medellin.
Ang 30-anyos nga seaman (ngan gipugngan ning mantalaan) taga Barangay Guadalupe, dakbayan sa Sugbo, nalutsan og warrant of arrest sa 2 counts sa kasong kalapasan sa R.A .9262 o Anti-Violence Against Women and their Children Act of 2004.
Si SPO1 Jovito Aballe sa Medellin Police nga nahinabi sa Sun.Star Superbalita, niingon nga ang batan-ong seaman ilang nasikop pinasikad sa warrant of arrest nga giisyu ni Judge Antonio Marigomen sa Regional Trial Court (RTC-7) Branch 61 sa dakbayan sa Bogo, nga gipitsahan niadtong Agusto 29, 2012.
Si SPO1 Aballe niiÂngon nga ang asawa sa seaman nireklamo batok niini karong tuiga human nasakpan sa Facebook ang pagpangabit sa iyang bana.
Matod sa asawa, naghimo siyag account nga gigamit ang pangalan sa igsuon sa iyang bana hangtod nga sa ilang pagbinayloay og komunikasyon, gipadalhan siyag mga hulagway niini nga uban sa iyang kabit ug anak.
Nahugno ang kalibotÂan sa asawa sa tungod sa maÂong hitabo nga gibiyaan siya ug iyang 6-anyos nga anak sa iyang bana nga nikuyog sa kabit.
Human sa igong ibedensiyang gihuptan gikan sa gipangdownload nga gipadala sa iyang bana, nipasaka gilayon siyang og kasong kalapasan sa R.A. 9262.
Si SPO1 Aballe niingon nga ang korte mihatag og P120 mil nga piyansa sa duha ka mga count sa maong kaso.
Kagahapon sa alas 12:00 sa udto, nakagawas ang bana, human siya nakabutang sa piyansa sa iyang temporayong kagawasan.
Dihang ilang gisikop nagpahimo kini sa iyang tindahan didto sa panimalay sa ilang kabit hinuon wala mopakita’g pagsukol human gipahibalo sa iyang warrant of arrest.
Sa gihimo nilang imbestigasyon, ang seaman nitug-an nga ang iyang kabit, iyang uyab niadtong high school pa sila ug dihang nagkakita sila og balik sa Manila, nagbalik ang ilang relasyon ug nagbungaâ€g usa ka anak.
Ang kabit niini, atol sa pagkasikop sa seaman, wala mogawas sa ilang panimalay.
Gipatik sa mantalaang SuperBalita Cebu Septembre 15, 2012.
Linkback:
https://tubagbohol.mikeligalig.com/index.php?topic=54688.0
