SuperBalita Cebu
Ni Guam P. Logroño
Sunday, September 7, 2014
INAHAN gilugos sa construction worker nga nakasulod sa ilang panimalay samtang naÂngaÂtulog uban sa menor de edad nga bata kagahapon sa alas 4:00 sa kaadlawon sa Barangay Suba, lungsod sa Samboan.
Si Herty (dili tinuod ngalan), 35, naghilak nga nisumbong sa iyang kabanay ug kapulisan human lugosa sa trabahante.
Gitudlo ni Herty nga naglugos kaniya mao si Nelson Ubas, 31, ulitawo, construction worker ug taga Barangay Luhod, lungsod sa Barili.
Si PO1 Jason Hiramis, imbestigador sa Samboan police station, nagkanayon nga usa ka Tita Ferrolino, kawani sa munisipyo sa lungsod maoy nipahibalo kanila.
Sa pag-abot nila sa lugar, naabtan nila ang biktima nga nagsige’g hilak sa panimalay uban sa kabanay niini nga mga silingan nga naukay sa itabo niadtong higayuna.
Gipangutana nila ang biktima kon unsay nahitabo kaniya, nitug-an kini nga gilugos ug nakaila siya sa lalaki nga nanamastamas kaniya.
Asoy sa biktima, ang suspek didto niagi sa likod nga pultahan nga giguba niini.
Si Ubas nagtrabaho sa gitukod nga balay nga tupad sa panimalay sa biktima.
Human positibong giÂtudlo sa biktima, ang kapulisan nihimo og hot pursuit operation ug nadakpan si Ubas, kinsa nakainom nga natulog sa payag niini sa Sitio Upper, Barangay Suba, pipila ka metros gikan sa panimalay sa biktima.
Linkback:
https://tubagbohol.mikeligalig.com/index.php?topic=78951.0
