NAHABWA ang tinai sa usa ka maestro human kini dunggaba sa iyang higalang nasuko sa komedya atol sa disco sa fiesta kagahapon sa alas 2:30 sa kaadlawon sa Barangay Maluray, lungsod sa Dalaguete.
Si Raul B. Paz, 40, minyo, maestro sa Malones Elementary School sa Dalaguete, taga Barangay Casay sa nahisgutang lungsod, dead-on-arrival (DOA) sa tambalanan.
Wa na igkita si Crispin Tangpos, 50, mag-uuma, buwag sa asawa, taga Barangay Maluray, kinsa daÂling misibat human sa krimen.
Si PO2 Leon Gesim, sakop sa alert team sa Dalaguete Police Station nga nahinabi sa Sun.Star Superbalita, nagkanayon nga ang biktimang maestro namista sa maong dapit uban sa iyang pamilya sanglit kay taga diha man usab ang asawa niini.
Nakainom si Paz nga midisco uban sa mga kabanay ug suspek.
Si Tangpos, giingong walay daghang pangutana kalit gihansakan niya sa dalang kutsilyo ang tiyan sa biktima hinungdan sa pagkahabwa sa tinai.
Mikaratel kini sa pagdagan palayo sa lugar ug gibilin ang kutsilyo nga may gitas-on nga 18 ka pulgada.
Linkback:
https://tubagbohol.mikeligalig.com/index.php?topic=81288.0
