Thursday, April 26, 2012
HUMAN sa mando sa korte nga idemolis na ang Little Bohol sa Agora, Lapasan ning siyudad sa Cagayan de Oro niadtong Miyerkules ang mga residente nidumili sa paghawa labina kay wala silay mabalhinan.
Apan si Konsehal Alexander Dacer sa iyang paghinabi sa mga sakop sa presnsa niadtong tungora nibutyag nga dili na angayan mabalaka pa ang mga residente tungod kay aduna na silay mabalhinan nga luna didto sa Barangay Balubal.
Si Charry Acut, nga nainterbyu sa Sun.Star SuperBalita sa adlaw sa demolisyon, niingon nga wala gyod sila masayod nga aduna diay luna alang kanila nga mga residente sa dapit basi sa mga meeting nga ilang gihimo sa Urban Poor Landless Association of Little Bohol.
“Sangko sa langit among kalipay ana nga naa diay mi kabalhinan, mao ra man among gipangayo nga bahala demolison mi naa lang mi mabalhinan,†matud niini.
Gipangguba ang mga balay kagahapong adlawa mismo sa mga residente aron ang ilang mga kahoy magamit pa sa pagtukod sa balay didto sa Balubal.
Gipasalamatan usab ni P/Supt Roy Magsalay sa Police Station 3 sa Agora nga malinawon ang demolisyon tungod kay nagkasinabtanay man. (SVB)
Gipatik sa mantalaang SuperBalita Cagayan de Oro Abril 27, 2012.
Linkback:
https://tubagbohol.mikeligalig.com/index.php?topic=49689.0
