MikeLigalig.com

SuperBalita Cebu
Ni Sheila C. Gravinez
Thursday, July 18, 2013


GIKLARO ni kanhi gobernador ug karon Kong. Gwen Garcia nga gipanag-iya sa iyang igsuon nga si Winston Garcia, kanhi presidente sa Government Service Insurance System, ang mga pultahan nga gidala og apil gikan sa Office of the Governor human kini nahawanan na sa iyang mga personal nga gamit.

Sa tulo ka pultahan, duha niini “leatherized style” nga hinimo sa Mait­land-Smith ug kabahin sa mga collection ni Winston.

“Nakakita pa jud mo unsaon pagdaot sa amo,” padayag ni Gwen sa pakighinabi sa Sun.Star Cebu kagahapon.

Linkback: https://tubagbohol.mikeligalig.com/index.php?topic=73987.0

Ang maong lamesa maoy gibutangan ni Gwen sa mga plaque alang sa lalawigan sa Sugbo, memorabilia ug imahen ni Señor Sto. Niño nga makita inig dayon sud sa mismong buhatan sa gobernador.

Si Gobernador Hilario Davide III niingon nga kon gipanag-iya ni Garcia ang mga pultahan ug kon hinatag usab ang lamesa ngadto niya, aduna kini katu­ngod nga dad-on ang maong mga butang.

“Iya man nang personal property. If it’s her personal property then she has every right to bring it home,” nagkanayon ang gobernador sa pakighinabi sa mga tigbalita sa Kapitolyo kagahapon.

Si Davide nakahinumdom nga nahisgot sa kanhi gobernador ngadto niya nga dunay mga butang sud sa Office of the Governor ang gipanag-iya sa iyang igsuon nga si Winston.


Linkback: https://tubagbohol.mikeligalig.com/index.php?topic=73987.0