Ni Guam P. Logroño
Wednesday, May 11, 2011
PULIS sa Argao gipasanginlan sa usa ka babaye nga vendor nga nihikap sa iyang totoy hinungdan nga nireklamo siya.
Matod sa 18- anyos nga dalaga nga nahitabo kini dihang nahinanok siya sa pagkatulog sulod sa ilang tindahan nga tupad sa Argao Police Station sa miaging buwan.
Ang biktima, kinsang ngalan gipugngan sa Sun.Star Superbalita, nireklamo batok kang PO2 Arnold Frenal, minyo, taga lungsod sa Sibonga, sakop sa alert team sa Argao Police Station, human giingong gihikap sa pulis ang iyang pribadong parte sa lawas sa miaging buwan.
Apan si Frenal nga nahinabi sa Sun.Star Superbalita hugtanong nanghimakak sa pasangil sa biktima.
Iyang giangkon nga usa ka gabii sa miaging buwan namukaw siya sa tindahan niini tungod kay duna siyay paliton ug naandan na niya nga mamukaw sanglit tupad ra man sa police station.
Apan dihang nagkaabot sila sa buhatan sa Women’s and Children’s Protection Desk (WCPD) diin siya gipatawag sa ilang kanhi hepe nga si Sr. Insp. Wilbert Parilla, nireklamo na ang babaye nga gihinol niya, gibira ang unlan ingon man bukton dihang natulog sulod sa ilang tindahan.
Gipatik sa mantalaang SuperBalita Cebu Mayo 12, 2011. Linkback:
https://tubagbohol.mikeligalig.com/index.php?topic=40721.0
