MikeLigalig.com

Ni Dennes R. Tabar ug Flor V. Querubin
Monday, February 11, 2013


NAGHUBO nga nagbuy-od ibabaw sa kama ang patay nga lawas sa 21-anyos nga Filipina sam­tang, walay pani­mu­ot ang lalaking Kore­an national sulod sa lawak sa usa ka hotel sa dakbayan sa Lapu-Lapu ni­adtong Sabado sa gabii.

Ang duha ning-check-in sugod sa alas 10:45 sa gabii niadtong Biyernes sa room 23 sa San Francisco Hotel sa Sityo Ibabao, Barangay Basak.

Sumala sa taho, ang mga kawani sa hotel nisusi sa pagka buntag kon molugway ba sa ilang pag-check-in apan wala na kini motubag ug wala usab moabli dihang gituktok ni Edgar Tantay, hotel supervisor, niadtong Sabado sa hapon.

Giusban kinig tuktok pasado alas 6:00 sa gabii apan wala gihapoy nitubag hinungdan nga napugos sila sa pag-taho sa kapulisan.

Nasayran gikan sa manager sa San Francisco Hotel, nga si Elizabeth Palis nga nangayo silag panabang sa kapulisan human nga ang duha wala na mangabli sa ilang lawak bisan pa sa ilang pagsampit.

Ug pasado alas 9:00 sa gabii sa dihang niabot ang kapulisan uban sa mga kawani sa hotel ilang giablihan ug didto ilang nakit-an ang duha nga naghigda diin ang babaye wala nay kinabuhi ug nagbuwa ang baba sa Koryano.

Si SPO1 Alan Pantaleon, imbestigador sa Homicide Section sa Lapu-Lapu City Police Office (LLCPO), nibutyag nga nga ang mga biktima daling gidala sa Mactan Doctors Hospital.

Si Senior Supt. Rey Lyndon Lawas, hepe sa LLCPO, niingon nga ang babaye dunay garas sa iyang baba ug dughan.

Sa pasiunang imbestigasyon sa Homicide Section sa LLCPO, ang biktima naila nga si ‘Maria” (dili tinuod ngalan), 21, taga Kinalumsan, Barangay Gun-ob ug ang Kor­yano mao si Hyun Chul Hwang, 29, nag-abang sa usa ka unit sa Pacific Villa subdivision, Barangay Pajac.

Matod ni Lawas, ang duha bag-o lang nagkaila pinaagi sa social networking site. Apan sa pagkakaron, wala pa nila maestorya ang Korean national kinsa anaa pa karon sa kritikal nga kahimtang.

“Dili pa maestorya ang Korean mao gahulat lang mi advise sa doctor,” matod ni Lawas.

Samtang ilang gihangyo karon ang pamilya sa namatay nga ilang ipailawom sa autopsy ang lawas niini aron ilang mati­no kon unsay hinungdan sa kamatayon niini.

Linkback: https://tubagbohol.mikeligalig.com/index.php?topic=67013.0

Suicide pack?

Linkback: https://tubagbohol.mikeligalig.com/index.php?topic=67013.0

Ni Bong Soriano/EIM (Banat) | Updated April 17, 2013 - 12:00am


CEBU, Philippines - Koreyanong miinom og hilo human niya giingong gipatay ang iyang higalang babaye sud sa usa ka hotel sa barangay Basak sa dakbayan sa Lapulapu namatay sa tambalanan sa dakbayan sa Sugbu. Si Hyun Chul Whang, 29, sud sa duha ka bulan nga pag-antos sa tambalanan nakabsan gyud kini sa iyang kinabuhi sa milabay’ng Sabado.

Matud pa ni Lapulapu City Police Office Director Sr. Supt. Rey Lyndon Lawas “case closed" na ang kaso ni Whang kay namatay na man kini.

Si Whang suspek sa kamatayon sa higala ug gikauban niini sa negosyo nga si Whenvy Jean dela Cruz Noel, 21, ug residente sa Brgy. Kalawisan sa dakbayan sa Lapulapu sa milabay’ng bulan sa Pebrero ning tuiga.

Andam na unta ang kasong murder nga ipasaka sa kapolisan batok ni Whang apan ila pang gihulat nga makahatag usab sa iyang habig ang Koreyano sa dili pa nila kini ipasaka sa korte.

Sa milabay’ng adlaw gikuha na sa mga ginikanan ug kabanay sa Koreyano ang abo niini human nga gi-cremate ang patay’ng lawas ni Whang.

Kahinumduman nga si Noel napalgang patay nga hubo ang lawas ibabaw sa kama nga nagkadugo sulod sa usa ka hotel sa Basak- Ibabao sa dakbayan sa Lapulapu, samtang si Whang nagbula ang baba ug gituohang miinom og hilo. Matud pa ni Lawas hangtod karon wala pa masayri kung unsa nga matang sa hilo o kemikal ang giinom sa Koreyano nga nakapa-comatose kaniya sud sa duha ka bulan. (BANAT NEWS)

Linkback: https://tubagbohol.mikeligalig.com/index.php?topic=67013.0

aguy.  what a sad ending to a sad story.  unsolved murder diay intawon ni.  way laing details diha?  asa man ang mga ginikanan ni whang?  niinom ba kaha siyag hilo o gitingal ug wakwak?  secret agent ba kaha si whang?  taga-north korea kaha ang nagtingal niyag hilo?  sure kaha ta nga di si kim jong un ang nagtingal?

Linkback: https://tubagbohol.mikeligalig.com/index.php?topic=67013.0