Author Topic: Prison guard namuhi’g manok sa CPDRC  (Read 626 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Prison guard namuhi’g manok sa CPDRC
« on: July 14, 2017, 03:25:36 PM »
Ni Le Phyllis F. Antojado (Banat) | Updated July 14, 2017 - 12:00am


CEBU, Philippines - Usa ka prison guard sa Cebu Provincial Detention and Rehabilitation Center (CPDRC) ang gipaubos karon sa imbestigasyon human nga nasakpan nga nagdala og manok igtatari sulod sa maong prisohan.

Matud ni Bobby Legaspi ang officer in charge sa CPDRC nga ikaduha na kini kahigayon nga ang maong gwardya nagdala og mga manok sulod sa provincial jail.

Ang pagdala og manok pansabong gikonsiderar kini nga kontrabando sulod sa prisohan.


Si Legaspi nagkanayon nga niadtong Marso, una niyang nasayran nga adunay mga manok sulod sa CPDRC, ug giangkon kini sa maong gwardya nga iya gibuhi ang 35 ka mga manok pansabong sulod sa prisohan .

 Gimandoan kini ni Legaspi nga kuhaon apan sa ilang pag-inspeksyon niadtong Lunes adunay 11 ka mga manok gihapon sulod sa maong provincial jail.

Buot mahibaw-an sa kadagkuan sa CPDRC unsay katuyoan sa maong prison guard sa pagbuhi sa maong manok ug kun nganong nakalusot kini taliwala sa presensiya sa mga sakop sa Provincial Public Safety Company sa CPDRC.

Ang maong gwardya, usa kini ka regular nga empleyado sa Kapitolyo ug maoy mo-drive sa sakyanan pagkuha og supply sa pagkaon sa mga priso sa CPDRC.

Ang maong mga manok gisakmit na sa PPSC samtang ang prison guard nga wala usa panganli ni Legaspi gipaubos sa imbestigasyon sa Committee On Discipline and Investigation (CODI).

Sa pagkakaron, padayon pa gihapon nga nag-report ang maong prison guard apan anaa kini sa tower gi-assign karon. (BANAT NEWS)

Linkback: https://tubagbohol.mikeligalig.com/index.php?topic=87069.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: