Mag-uuma nahulgan og sanggot sa ulo, kritikal!
KRITIKAL ang kahimtang sa usa ka mag-uuma human nahulgan og sanggot sa mismong ulo niini sa Coronon, Sta. Cruz, Davao del Sur alas 5:00 Huwebes sa hapon.
Giila ang biktima nga si Orlando Nartatez, 43 anyos, minyo ug molupyo sa maong lugar.
Sumala pa, aksidente lamang ang panghitabo tungod anaa sa ubos nga bahin ilawom sa punuan sa lubi ang biktima ug aksidente nga nabuhi-an ni Armando Gunijan ang sanggot tumong sa ulo sa biktima.
Dakong samad sa ulo ang naangkon sa biktima nga daling gidala sa balay tambalanan.
Samtang ang suspetsado, ang mitahan sa iyang kaugalingon ngadto sa kapulisan aron mohatag og pamahayag kalabot sa maong insedente.
Ang kaso anaa karon sa Investigation Section sa Davao del Sur PNP alang sa dugang imbestigasyon.(Angel De Vera)
Linkback:
https://tubagbohol.mikeligalig.com/index.php?topic=41049.0